ផ្តល់ភាពកក់ក្តៅក្នុងឱកាសបុណ្យភ្ជុំបិណ្ឌ! រដ្ឋមន្ត្រីក្រសួងព័ត៌មានកម្ពុជាសួរសុខទុក្ខកម្មករ៥០នាក់

ក្នុងឱកាសបុណ្យភ្ជុំបិណ្ឌឆ្នាំ២០២៦ លោក នេត្រ ភក្ត្រា រដ្ឋមន្ត្រីក្រសួងព័ត៌មានកម្ពុជា និងភរិយា បានអញ្ជើញទៅកាន់ទីតាំងសាងសង់អគារក្រសួងព័ត៌មាន ដើម្បីសួរសុខទុក្ខកម្មករប្រមាណ៥០នាក់ ដែលចូលរួមក្នុងការសាងសង់អគារនិងផ្លូវថ្នល់ ព្រមទាំងចែកជូនកញ្ចប់អំណោយបុណ្យភ្ជុំបិណ្ឌ ដើម្បីថ្លែងអំណរគុណចំពោះការខិតខំបំពេញការងាររបស់ពួកគាត់។ ក្នុងឱកាសសួរសុខទុក្ខ លោក នេត្រ ភក្ត្រា បានថ្លែងអំណរគុណនិងកោតសរសើរចំពោះកម្មករដែលបានបំពេញការងារយ៉ាងយកចិត្តទុកដាក់ទាំងថ្ងៃទាំងយប់ ដើម្បីជំរុញការសាងសង់ឱ្យដំណើរការរលូន។ លោកបានសង្កត់ធ្ងន់ថា កិច្ចខិតខំរបស់កម្មករបានផ្តល់ការគាំទ្រយ៉ាងសំខាន់ដល់ការសាងសង់អគារក្រសួងព័ត៌មាន និងផ្លូវថ្នល់ជុំវិញ ឱ្យប្រព្រឹត្តទៅតាមផែនការដែលបានគ្រោងទុក។ ជាមួយគ្នានេះ លោក នេត្រ ភក្ត្រា ក៏បានរំលឹកដល់កម្មករទាំងអស់ឱ្យយកចិត្តទុកដាក់លើសុវត្ថិភាពក្នុងការងារក្នុងដំណើរការសាងសង់ អនុវត្តតួនាទីការងារប្រកបដោយការទទួលខុសត្រូវ អនុវត្តវិធានការសុវត្ថិភាពឱ្យបានម៉ត់ចត់ ដើម្បីធានាគុណភាពគម្រោង ព្រមទាំងធានាសុវត្ថិភាពផ្ទាល់ខ្លួន និងអ្នកដទៃ។ សកម្មភាពសួរសុខទុក្ខនេះ បានបង្ហាញពីការយកចិត្តទុកដាក់ និងការទទួលស្គាល់របស់ក្រសួងព័ត៌មានចំពោះកម្មករដែលកំពុងបំពេញការងារនៅជួរមុខ ព្រមទាំងបាននាំយកក្តីសុខរីករាយក្នុងឱកាសបុណ្យទៅដល់កម្មករ លើកទឹកចិត្តពួកគាត់បន្តបំពេញការងារសាងសង់ឱ្យបានល្អប្រសើរ និងជំរុញការសាងសង់ហេដ្ឋារចនាសម្ព័ន្ធពាក់ព័ន្ធឱ្យសម្រេចបានជោគជ័យ។