ឯកឧត្តម ម៉ាង ស៊ីណេត អនុញ្ញាត្តិឱ្យឯកអគ្គរដ្ឋទូតអូស្ត្រាលីចូលជួបសម្តែងការគួរសម

(ខេត្តព្រះសីហនុ)៖ ឯកឧត្តម ម៉ាង ស៊ីណេត អភិបាលខេត្តព្រះសីហនុ នាព្រឹកថ្ងៃទី១០ ខែតុលា ឆ្នាំ២០២៥ បានអនុញ្ញាត្តិទទួលជួបសំដែងការគួរសមជាមួយ ឯកឧត្តម ដេរិក យីប (Derek Yip) ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសអូស្ត្រាលី ប្រចាំព្រះរាជាណាចក្រកម្ពុជា។

គូសបញ្ជាក់ដែរថា កិច្ចពិភាក្សានេះស្របពេលដែលនាវាចម្បាំងរបស់កងទ័ពជើងទឹកអូស្ត្រាលី ដែលមានឈ្មោះថា HMAS Ballarat បានចូលចតនៅកំពង់ផេស្វយ័តក្រុងព្រះសីហនុ ដឹកនាំដោយវរនាវីទោ Dean Uren មេបញ្ជាការនាវា។ ខណៈនាវាចម្បាំងនេះ នឹងបំពេញទស្សនៈកិច្ចនៅកម្ពុជារយៈពេល៤ថ្ងៃ ចាប់ពីថ្ងៃទី១០-១៣ ខែតុលា ឆ្នាំ២០២៥៕

ស្ថានីយទូរទស្សន៍ខេត្តព្រះសីហនុ ដោយ៖ ប៉ៃ សុឃីម