អ្នកនាំពាក្យក្រសួងការបរទេសចិន លោក Lin Jian បានថ្លែងក្នុងសន្និសីទសារព័ត៌មានប្រចាំថ្ងៃ កាលពីថ្ងៃទី១៣ ខែវិច្ឆិកា ថាចិនកំពុងតាមដានយ៉ាងយកចិត្តទុកដាក់នូវស្ថានការណ៍ព្រំដែនកម្ពុជា-ថៃ។ ចិនសង្ឃឹមថាភាគីទាំងពីរនឹងអត់ធ្មត់ និងដោះស្រាយការខ្វែងគំនិតតាមការសន្ទនា និងពិគ្រោះយោបល់។
អ្នកសារព័ត៌មានបានសួរអំពីហេតុការណ៍មីនថ្ងៃទី១០ ខែវិច្ឆិកា ការសម្រេចរបស់ក្រុមប្រឹក្សាសន្តិសុខជាតិថៃនៅថ្ងៃទី១១ ខែវិច្ឆិកា ឱ្យផ្អាកការអនុវត្តសេចក្តីប្រកាសសន្តិភាពកូឡាឡាំពួរ និងការបាញ់ប្រហារនៅខេត្តបន្ទាយមានជ័យ កាលពីថ្ងៃទី១២ ខែវិច្ឆិកា ដែលបណ្ដាលឱ្យជនស៊ីវិលកម្ពុជារងគ្រោះ។
លោក Lin ថា ភាគីទាំងពីរគួរប្រើយន្តការទ្វេភាគីដើម្បីដោះស្រាយបញ្ហា ជៀសវាងការធ្វើឱ្យស្ថានការណ៍កាន់តែតានតឹង និងរក្សាសន្តិភាពនិងស្ថិរភាពនៅតំបន់ព្រំដែន។ លោកថាចិនមានឆន្ទៈបន្តដើរតួនាទីស្ថាបនា។
ព័ត៌មានសរុប។
