នៅយប់ថ្ងៃទី១៥ ខែវិច្ឆិកា ពលការិនីខ្មែរអាយុ១៨ឆ្នាំម្នាក់ ដែលត្រឡប់ពីធ្វើការនៅថៃមកកម្ពុជាវិញ ត្រូវបានរាយការណ៍ថាត្រូវទាហានថៃ៧នាក់ចាប់យកទៅរំលោភផ្លូវភេទ នៅតំបន់ព្រំដែនកម្ពុជា–ថៃក្នុងខេត្តបាត់ដំបង។
តាមការរៀបរាប់របស់ជនរងគ្រោះ និងអ្នករួមដំណើរ មានមនុស្ស១៣នាក់ត្រឡប់មកជាមួយគ្នា ក្នុងនោះមានស្ត្រី៦នាក់ និងកុមារ១នាក់។ ទាហានឈុតខ្មៅថៃបានយកទូរសព្ទ៤គ្រឿង និងប្រាក់របស់ពួកគេ ហើយវាយ ទាត់ធាក់ គំរាមកំហែង និងប្រើកាំភ្លើងបំភ័យបុរសខ្មែរ។ ស្ត្រីវ័យក្មេងត្រូវបានចាប់យកទៅដោយបង្ខំ និងរំលោភផ្លូវភេទ រួចទើបអនុញ្ញាតឱ្យត្រឡប់មកកម្ពុជា។
បច្ចុប្បន្ន អាជ្ញាធរកម្ពុជាកំពុងយកចិត្តទុកដាក់ជួយជនរងគ្រោះ និងប្រមូលភស្តុតាង។
រាយការណ៍សរុបដោយស្ថានីយយើង
