រដ្ឋាភិបាលឥណ្ឌាបានធ្វើប្រតិបត្តិការជម្លៀសពលរដ្ឋនៅក្រៅប្រទេសម្តងទៀតក្នុងសប្តាហ៍នេះ ដោយបញ្ជូនយន្តហោះដឹកជញ្ជូនកងទ័ពអាកាសពីរគ្រឿងទៅអាកាសយានដ្ឋានម៉ែសត ភាគខាងជើងថៃ ដើម្បីទទួលពលរដ្ឋឥណ្ឌាដែលជាប់គាំងត្រឡប់ទៅប្រទេស។ ប្រតិបត្តិការប្រព្រឹត្តទៅដោយមានជំនួយរដ្ឋាភិបាលថៃ និងការសម្របសម្រួលរបស់ភាគីទាំងពីរ។
តាមសេចក្តីជូនដំណឹងផ្លូវការរបស់ឥណ្ឌា ក្នុងចំណោមអ្នកត្រូវបានទទួលត្រឡប់ ២៦៩នាក់ មានស្ត្រី ១១នាក់។ ពួកគេធ្លាប់ត្រូវបានរាយការណ៍ថាពាក់ព័ន្ធសកម្មភាពគួរឱ្យសង្ស័យនៅតំបន់ម្យ៉ាវ៉ាឌី ប្រទេសមីយ៉ាន់ម៉ា ហើយត្រូវបានប្រគល់ឱ្យចាត់ការក្រោយប្រតិបត្តិការបោសសម្អាតថ្មីៗរបស់កម្លាំងសន្តិសុខមូលដ្ឋាន។ បន្ទាប់មក ឥណ្ឌាបានដំណើរការយន្តការការពារពលរដ្ឋ និងរៀបចំជម្លៀស។
រដ្ឋាភិបាលឥណ្ឌាបញ្ជាក់ថា នឹងបន្តទំនាក់ទំនងជាមួយប្រទេសជិតខាង ដើម្បីធានាសិទ្ធិស្របច្បាប់ និងសុវត្ថិភាពពលរដ្ឋនៅក្រៅប្រទេស ហើយអំពាវនាវឱ្យប្រជាជនប្រុងប្រយ័ត្នចំពោះការងារឆ្លងដែនខុសច្បាប់ និងអន្ទាក់ឆបោក ដើម្បីចៀសវាងពាក់ព័ន្ធសកម្មភាពខុសច្បាប់នៅតំបន់ហានិភ័យខ្ពស់។
ស្ថានីយយើងប្រមូលព័ត៌មានរាយការណ៍។
