ប្រតិបត្តិការប៉ូលិសរួមនៅអឺរ៉ុប រឹបអូសគ្រីបតូប្រមាណ ៣៣ម៉ឺនដុល្លារ

..

ស្ថាប័នអនុវត្តច្បាប់នៃប្រទេសអឺរ៉ុបជាច្រើនបានធ្វើប្រតិបត្តិការសម្របសម្រួលគ្នាថ្មីៗនេះ ដោយបង្ក្រាបវេទិកាអនឡាញមួយដែលផ្តល់សេវាទំនាក់ទំនងអនាមិកដល់អង្គការឧក្រិដ្ឋកម្មឆ្លងដែនជាយូរមកហើយ។ ក្រោមការសម្របសម្រួលរបស់ Europol ប៉ូលិសអូទ្រីស អេស្តូនី ហ្វាំងឡង់ និងឡាតវីបានចាប់ខ្លួនជនសង្ស័យសំខាន់ ៧នាក់ និងរឹបអូសឧបករណ៍ និងភស្តុតាងសំខាន់ជាច្រើននៅទីតាំងជាច្រើនក្នុងពេលតែមួយ។ 

ក្នុងប្រតិបត្តិការ ប៉ូលិសបានរកឃើញឧបករណ៍ SIM-box ប្រមាណ ១២០០គ្រឿងសម្រាប់ផ្ញើសារជាច្រើនក្នុងពេលតែមួយ រឹបអូសស៊ីមកាតដែលកំពុងដំណើរការជាង ៤ម៉ឺន និងគ្រប់គ្រងម៉ាស៊ីនមេ ព្រមទាំងគេហទំព័រជាច្រើនដែលគាំទ្រអាជីវកម្មខុសច្បាប់។ អាជ្ញាធរក៏បានបង្កកប្រាក់ពាក់ព័ន្ធករណីចំនួន ៤៣១០០០អឺរ៉ូ រឹបអូសគ្រីបតូមានតម្លៃ ៣៣៣០០០ដុល្លារ និងរថយន្តទំនើបមួយចំនួន ដែលជាមូលដ្ឋានបានកាត់ផ្តាច់បណ្តាញហិរញ្ញវត្ថុ និងបច្ចេកទេសរបស់ក្រុមនេះ។

តាមការស៊ើបអង្កេត ក្រុមនេះប្រើឧបករណ៍ស៊ីមផ្តល់បណ្តាញទំនាក់ទំនងអនាមិកដល់អង្គការខុសច្បាប់ទូទាំងពិភពលោកជាយូរមកហើយ ឱ្យបទល្មើសដូចជាការឆបោក និងការវាយប្រហារតាមអ៊ីនធឺណិតគេចពីការតាមដាន និងបង្កការខាតបង់សេដ្ឋកិច្ចនៅប្រទេសជាច្រើន។ មជ្ឈមណ្ឌលប្រឆាំងបទល្មើសអ៊ីនធឺណិតអឺរ៉ុបបានបញ្ជាក់ថា ប្រតិបត្តិការរួមនេះបានរំលាយបណ្តាញប្រតិបត្តិការរបស់ក្រុមនេះប្រកបដោយប្រសិទ្ធភាព និងបង្ហាញពីកម្លាំងសហប្រតិបត្តិការអនុវត្តច្បាប់ឆ្លងដែនក្នុងការប្រឆាំងបទល្មើសអ៊ីនធឺណិតថ្មីៗ។

ស្ថានីយយើងប្រមូលព័ត៌មានរាយការណ៍។