ថ្មីៗនេះ គេហទំព័រទេសចរណ៍អន្តរជាតិ Tripadvisor បានប្រកាសបញ្ជីពានរង្វាន់ជម្រើសអ្នកធ្វើដំណើរឆ្នាំ២០២៥ ដោយដាក់អង្គរវត្តកម្ពុជានៅលេខ១ជាថ្មី ជាគោលដៅទេសចរណ៍ទាក់ទាញបំផុតនៅអាស៊ី។ កម្ពុជាមានតំបន់ទេសចរណ៍២ក្នុងបញ្ជីនេះ គឺអង្គរវត្តលេខ១ និងប្រាសាទបាយ័នលេខ១៧។ បញ្ជីនេះក៏មានមហាកំផែងចិនតំបន់មូធានយូ តាជម៉ាហាល់នៅឥណ្ឌា ទីសក្ការបូជា Fushimi Inari នៅជប៉ុន និងសារមន្ទីរសំណល់សង្គ្រាមនៅវៀតណាម ដែលបង្ហាញពីភាពចម្រុះនៃធនធានទេសចរណ៍អាស៊ី។
អ្នកក្នុងវិស័យទេសចរណ៍បានលើកឡើងថា ការទទួលស្គាល់អង្គរវត្តជាថ្មីលើឆាកអន្តរជាតិ បង្ហាញពីស្ថាបត្យកម្មដ៏ពិសេស តម្លៃវប្បធម៌ និងភាពទាក់ទាញជាសកលរបស់អង្គរវត្ត។ កិត្តិយសនេះត្រូវបានរំពឹងថានឹងជួយបង្កើនការចាប់អារម្មណ៍របស់ភ្ញៀវអន្តរជាតិចំពោះកម្ពុជា និងផ្ដល់កម្លាំងជំរុញថ្មីដល់វិស័យទេសចរណ៍ជាតិ។
យោងតាមតួលេខចុងក្រោយរបស់គ្រឹះស្ថានអង្គរ ក្នុងរយៈពេល៧ខែដំបូងនៃឆ្នាំ២០២៥ ចំណូលពីការលក់សំបុត្រចូលតំបន់អង្គរមានប្រមាណ២៨,៦៤លានដុល្លារអាម៉េរិក និងទទួលភ្ញៀវបរទេសលើស៦១០.០០០នាក់ កើនឡើង៥,៣៩%ធៀបនឹងរយៈពេលដូចគ្នាឆ្នាំមុន ដែលបង្ហាញថាទីផ្សារទេសចរណ៍កម្ពុជាបន្តមានកំណើន។
ស្ថានីយរបស់យើងចងក្រងព័ត៌មាន
