ថៃចាប់ជនបរទេស១៩នាក់ រួមមានជនជាតិចិន១៨នាក់ សង្ស័យមានគម្រោងឆ្លងដែនចូលរួមឆបោក

កងទ័ពជើងទឹកភូមិន្ទថៃបានប្រកាសនៅថ្ងៃទី១៧ ខែធ្នូថា ក្នុងប្រតិបត្តិការប្រឆាំងឧក្រិដ្ឋកម្មអនឡាញតាមព្រំដែនខេត្តចន្ទបុរី បានចាប់ខ្លួនជនបរទេស១៩នាក់ ក្នុងនោះចិន១៨នាក់ និងមីយ៉ាន់ម៉ាម្នាក់។ តាមសេចក្ដីរាយការណ៍ ពួកគេត្រូវរកឃើញនិងឃាត់នៅជិតចម្ការឪឡឹកមួយតាមព្រំដែនកម្ពុជា–ថៃ ហើយគ្រប់គ្នាគ្មានឯកសារធ្វើដំណើរស្របច្បាប់។

សេចក្តីថ្លែងរបស់អ្នកនាំពាក្យកងទ័ពជើងទឹកថៃ ដែល JS100 ចុះផ្សាយនៅថ្ងៃទី១៨ ខែធ្នូ បានឱ្យដឹងថា ការសាកសួរបឋមបង្ហាញថា ក្រុមនេះមានបំណងឆ្លងចូលកម្ពុជាដើម្បីចូលរួមការឆបោកអនឡាញ។ តាមសេចក្តីថ្លែងនេះ មនុស្សទាំង១៩នាក់ត្រូវបានបញ្ជូនទៅមន្ត្រីស៊ើបអង្កេតនៃស្ថានីយប៉ូលិស Saton ដើម្បីបន្តចាត់ការតាមច្បាប់។

រាយការណ៍សរុបដោយស្ថានីយយើង