អ្នកវិនិយោគជាតិនិងអន្តរជាតិនៅតែជឿជាក់លើថ្នាក់ដឹកនាំរាជរដ្ឋាភិបាលដែលមានសម្តេចតេជោ និងសម្តេចធិបតី នាយករដ្ឋមន្ត្រីនៃកម្ពុជា

ខេត្តព្រះសីហនុ៖ អ្នកវិនិយោគជាតិនិងអន្តរជាតិនៅតែជឿជាក់លើថ្នាក់ដឹកនាំរាជរដ្ឋាភិបាលដែលមានសម្តេចតេជោ ហ៊ុន សែន និង សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ នេះជាការលើកឡើងរបស់លោក ថុង សេដ្ឋា ម្ចាស់គម្រោងនិងដៃគូអភិវឌ្ឍន៍ ក្រុមហ៊ុន រ័ន មេនសិន ក្នុងពិធីបើកគម្រោងរបស់លោកកាលពីរាត្រីថ្ងៃទី២៥ខែធ្នូឆ្នាំ២០២៥ ទោះបីស្ថានការណ៍នៅតាមបន្ទាត់ព្រុំដែនដោយមានការឈ្លានពានពីយោធាថៃមកលើប្រទេសកម្ពុជាយ៉ាណាក៍ដោយ ក៍ប្រទេសកម្ពុជានៅតែរក្សាបានសុខសុវត្ថិភាពទាក់ទាញទេសចរណ៍និងអ្នកវិនិយោគជាពិសេសនៅខេត្តព្រះសីហនុ។

លោកបញ្ជាក់ថា រូបលោកនិងដៃគូវិនិយោគមកពីប្រទេសចិនបានបន្តបោះទុនរាប់លានដុល្លារ ក្នុងការសាងសង់លំនៅដ្ឋានប្រណិត ហើយគោលបំណងចង់បង្ហាញពង្រីកជាទីក្រុងរណបបង្ហាញបរិស្ថានលំនៅដ្ឋានប្រកបដោយផាសុខភាពក្នុងការទាក់ទាញភ្ញៀវទេសចរជាតិទាំងអន្តរជាតិ ខណៈភ្ញៀវទេសចរមកលេងខេត្តព្រះសីហនុមានការកើនឡើងជាពិសេសនៅតាមនាវាទេសចរណ៍ក្នុងនោះភ្ញៀវទេសចរមកពីប្រទេសចិនក៏មានការកើនឡើងផងដែរ។ ហើយគម្រោងរបស់លោកផ្ដោតសំខាន់ទៅលើសោភ័ណភាពបរិស្ថានការបញ្ចេញការសំណល់រឹងរាវទៅតាមស្តង់ដារមុននឹងបង្ហូរទៅសមុទ្រ។ក្នុងនាមពលរដ្ឋខ្មែរជាអ្នកវិនិយោគមួយរូបមានការសោកស្ដាយចំពោះការឈ្លានពានពីប្រទេសជិតខាងដែលធ្វើឲ្យប៉ះពាល់សេដ្ឋកិច្ចកម្ពុជា ដោយឡែកចំពោះលោកបានជំរុញសេដ្ឋកិច្ចឲ្យដំណើរការឡើងវិញតាមរយៈការទាញអ្នកវិនិយោគបរទេសមកអភិវឌ្ឍន៍ឆ្លើយតបទៅនឹងតម្រូវការកម្លាំងសេដ្ឋកិច្ចរបស់ប្រទេសកម្ពុជាយើង។

មានប្រសាសន៍នាឱកាសនោះ លោក ហែម ដារិទ្ធ អភិបាលរងខេត្តព្រះសីហនុ បានគាំទ្រចំពោះគម្រោងលំនៅដ្ឋានប្រណិតក្រុមហ៊ុន រ័ន មេនសិន ចាប់ដៃគូអ្នកវិនិយោគមកពីប្រទេសចិនអភិវឌ្ឍន៍នៅក្នុងខេត្តព្រះសីហនុ ។

លោកអភិបាលរងខេត្តបញ្ជាក់ថា ទោះបីស្ថានភាពព្រំដែនមានភាពតានតឹងរវាងប្រទេសកម្ពុជានិងថៃ ដោយឡែកសម្រាប់ខេត្តព្រះសីហនុក៏នៅតែមានការវិនិយោគនិងអភិវឌ្ឍន៍យ៉ាងគំហុកមានការកើនឡើងការវិនិយោគថ្មីៗ ដោយឡែកចំពោះអគារជាប់គាំងកន្លងមកត្រូវបានអភិវឌ្ឍន៍រៀបចំឡើងវិញស្ទើតែទាំងអស់ផងដែរ។

រដ្ឋបាលខេត្តបង្កើនការផ្សព្វផ្សាយ តាមរយៈប្រព័ន្ធឌីជីថលទៅដល់ជាតិអន្តរជាតិអំពីសក្តានុពលរបស់ខេត្តព្រះសីហនុព្រោះកន្លងមកមានការលើកឡើងអំពីអសន្តិសុខរបស់ខេត្តតែផ្ទុយទៅវិញចំពោះអ្នកវិនិយោគភ្ញៀវមកខេត្តព្រះសីហនុគឺមិនមានដូចអ្វីដែលលើកឡើងដូចនៅក្នុងបណ្ដាញសង្គមនាពេលកន្លងមកនោះឡើយ។ ចំពោះគម្រោងពិសេសជំរុញការវិនិយោគរដ្ឋបាលខេត្តព្រះសីហនុនៅតែបន្តសម្រាប់ផ្ដល់ភាពងាយស្រួលទៅដល់អ្នកវិនិយោគគ្រប់ប្រភេទដែលស្របច្បាប់នៅលើទឹកដីខេត្តព្រះសីហនុ៕

ដោយ៖ ប៉ៃ សុឃីម