ត្រីរាជញីមួយក្បាល មានប្រវែង ១៦៨សង់ទីម៉ែត្រ ទម្ងន់ ៥២គីឡូក្រាម ពាក់ស្លាករដ្ឋបាលជលផល លេខកូដ២៧០ ត្រូវបានប្រជានេសាទ នេសាទបាននៅតាមដងទន្លេមេគង្គ ភូមិថ្មី “ក” ឃុំរកាគយ ស្រុកកងមាស ខេត្តកំពង់ចាម ដោយប្រើប្រាស់ឧបករណ៍ម៉ាញ់។
ក្រោយទទួលបានព័ត៌ពីប្រជានេសាទដែលនេសាទបានត្រីរាជញីមួយក្បាលនេះ ខណ្ឌរដ្ឋបាលជលផលកំពង់ចាម បានសហការជាមួយក្រុមការងារបច្ចេកទេសវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល គម្រោងអច្ឆរិយភាព នៃទន្លេមេគង្គ និងអាជ្ញាធរស្រុកកងមាស កាលពីថ្ងៃទី១១ ខែមករា ឆ្នាំ២០២៦ បានលែងត្រីរាជញីមួយក្បាលនេះចូលទៅក្នុងទន្លេមេគង្គវិញ ។
សូមបញ្ជាក់ថាមន្ត្រីជំនាញបន្ទាប់ពីកំណត់អត្តសញ្ញាណរួចរាល់ ក្រុមការងារ និងមន្ត្រីជំនាញជលផល បានលែងត្រីរាជនេះ ចូលក្នុងទន្លេមេគង្គវិញផងដែរ។ ជាមួយគ្នានោះមន្ត្រីជំនាញជលផលសំណូមពរដល់ប្រជាពលរដ្ឋនិងប្រជានេសាទ កុំនេសាទនិងចូលរួមថែរក្សាការពារកុំឲ្យដាច់ផុតពូជន៍ប្រភេទត្រីកម្រនេះ៕
ដោយ៖ ប៉ៃ សុឃីម
