(ខេត្តព្រះសីហនុ)៖ នាវាទេសចរណ៍មួយគ្រឿងឈ្មោះ Zhao Shang Yi Dun សញ្ជាតិចិន នៅព្រឹកថ្ងៃទី១៨ ខែមករា ឆ្នាំ២០២៦ បានចូលចតនៅកំពង់ផែក្រុងព្រះសីហនុ ដោយនាំភ្ញៀវទេសចរចំនួន ២៦៦នាក់ ក្នុងនោះមានស្ត្រីចំនួន ១៤២នាក់ មកពី រួមមានជនជាតិជប៉ុនចំនួន ១៧៤នាក់ ព្រមទាំងនាវិកចំនួន ៣៣០នាក់។
ក្នុងអំឡុងពេលចូលចត ភ្ញៀវទេសចរទាំងនោះនឹងទៅទស្សនាតាមបណ្ដាគោលដៅទេសចរណ៍សំខាន់ៗ ដូចជាឆ្នេរសមុទ្រ វត្តអារាម ផ្សារ និងតំបន់រមណីយដ្ឋាននានា ក្នុងខេត្តព្រះសីហនុ ដែលជាការរួមចំណែកលើកកម្ពស់វិស័យទេសចរណ៍ និងសេដ្ឋកិច្ចមូលដ្ឋាន។
សូមជម្រាបថា នាវាទេសចរណ៍ Zhao Shang Yi Dun បានធ្វើដំណើរមកពីសាធារណរដ្ឋសង្គមនិយមវៀតណាម ចូលចតនៅកំពង់ផែក្រុងព្រះសីហនុរយៈពេល ១ថ្ងៃ ហើយនឹងបន្តដំណើរទៅព្រះរាជាណាចក្រថៃ នៅវេលាម៉ោង ១៧:០០នាទី ថ្ងៃដដែល៕
ដោយ៖ ចិន្តា ទីទិ
រូបភាព៖ មន្ទីព័ត៌មានខេត្តព្រះសីហនុ
