សៀមរាបចូលបញ្ជីគោលដៅទេសចរណ៍វប្បធម៌ឈានមុខ២៥របស់ពិភពលោក

ក្រុងប្រវត្តិសាស្ត្រ និងវប្បធម៌សៀមរាបបានចូលបញ្ជីក្រុងទេសចរណ៍វប្បធម៌ល្អបំផុតរបស់ពិភពលោក។ ថ្មីៗនេះ សៀមរាបត្រូវបានដាក់ក្នុងគោលដៅវប្បធម៌ល្អបំផុត២៥ សម្រាប់ឆ្នាំ២០២៦ និងជាប់លេខ១៣ ក្នុងពាន Travelers’ Choice របស់ Tripadvisor ដែលបង្ហាញសារៈសំខាន់របស់ខ្លួនក្នុងទេសចរណ៍វប្បធម៌សកល។

Tripadvisor បញ្ជាក់ថា លទ្ធផលពានគោលដៅទេសចរណ៍ឆ្នាំ២០២៦ គណនាតាមគុណភាព និងចំនួនការវាយតម្លៃរបស់ភ្ញៀវ ក្នុងប្រភេទរងនៃពាននីមួយៗ។ ទិន្នន័យរួមមានការវាយតម្លៃអំពីកន្លែងស្នាក់នៅ ភោជនីយដ្ឋាន និងសកម្មភាពទេសចរណ៍នៅគោលដៅនានា ដែលភ្ញៀវទូទាំងពិភពលោកបានផ្តល់លើវេទិកានេះ ចន្លោះថ្ងៃទី១ ខែតុលា ឆ្នាំ២០២៤ ដល់ថ្ងៃទី៣០ ខែកញ្ញា ឆ្នាំ២០២៥។

សិង្ហបុរីឈរលេខ១ បន្ទាប់មកមានទីក្រុងដូចជា ឡុងដ៍ ក្រាកូវ ប៉ារីស រ៉ូម អេឌីនបឺរ ហាណូយ ប៊ុយដាប៉ែស ក្យូតូ និងបាលី។ សៀមរាបស្ថិតជាមួយក្រុងវប្បធម៌ល្បីៗដូចជា ប្រាក និងដាប្ល៊ីន ដែលពង្រឹងឥទ្ធិពលទេសចរណ៍អន្តរជាតិរបស់ខ្លួនបន្ថែម។

រាយការណ៍សរុបដោយ KPS99TV