នៅថ្ងៃទី១៩ ខែមករា ក្រសួងទេសចរណ៍កម្ពុជាបានថ្លែងអំណរគុណស្ថានទូតបរទេសដែលផ្តល់ការណែនាំសុវត្ថិភាព និងផែនទី។ ក្រសួងបញ្ជាក់ថា ការណែនាំឱ្យប្រុងប្រយ័ត្នខ្ពស់សំដៅលើតំបន់ព្រំដែនជាក់លាក់មួយចំនួនតូច មិនមែនជាការវាយតម្លៃលើកម្ពុជាទាំងមូលឡើយ។
ក្រសួងបានពណ៌នាស្ថានភាពទូទៅថាមានស្ថិរភាព និងសុវត្ថិភាព ហើយកម្ពុជាត្រូវបានចាត់ទុកជាគោលដៅទេសចរណ៍គួរឱ្យទុកចិត្តជាយូរមកហើយ។ ក្រសួងថា ទីក្រុង និងតំបន់ទេសចរណ៍សំខាន់ៗ រួមមានភ្នំពេញ សៀមរាប និងព្រះសីហនុ បន្តបើកទទួលភ្ញៀវជាធម្មតា ទេសចរណ៍មានសណ្ដាប់ធ្នាប់ល្អ ហើយសុវត្ថិភាពធ្វើដំណើរ និងសិទ្ធិស្របច្បាប់របស់ភ្ញៀវត្រូវបានការពារ ដោយអញ្ជើញភ្ញៀវជាតិ និងអន្តរជាតិមកធ្វើដំណើរ ទស្សនា និងសម្រាកលំហែនៅកម្ពុជាដោយទំនុកចិត្ត។
ក្រសួងថានឹងបន្តផ្តល់ព័ត៌មានទេសចរណ៍ពិតប្រាកដ ត្រឹមត្រូវ និងគ្រប់ជ្រុងជ្រោយដល់សហគមន៍អន្តរជាតិ និងអំពាវនាវដល់សាធារណជន ស្ថានទូត ស្ថានកុងស៊ុល ប្រព័ន្ធផ្សព្វផ្សាយ និងអ្នកប្រកបរបរទេសចរណ៍ ឱ្យផ្សព្វផ្សាយព័ត៌មានដោយសត្យានុម័ត និងការទទួលខុសត្រូវ ដើម្បីរួមគ្នារក្សារូបភាពទេសចរណ៍អន្តរជាតិដ៏ល្អរបស់កម្ពុជា។
រៀបរៀងដោយស្ថានីយ។