តាមសៀវភៅថវិកាសង្ខេបរបស់ក្រសួងសេដ្ឋកិច្ច និងហិរញ្ញវត្ថុ រាជរដ្ឋាភិបាលគ្រោងបែងចែកថវិកា២,៩៩៩៥៩៧ទ្រីលានរៀល ឬប្រមាណ៧៣០លានដុល្លារ ដល់ក្រសួងការពារជាតិសម្រាប់ឆ្នាំហិរញ្ញវត្ថុ២០២៦។ ការបែងចែកនេះមានគោលបំណងលើកកម្ពស់ប្រសិទ្ធភាពដំណើរការប្រព័ន្ធការពារជាតិ និងសមត្ថភាពការពារជាតិឱ្យបានគ្រប់ជ្រុងជ្រោយ។
ថវិកាគ្របដណ្តប់ការបញ្ជាការ និងគ្រប់គ្រង ការហ្វឹកហ្វឺន និងត្រៀមខ្លួន កិច្ចសហប្រតិបត្តិការសន្តិសុខអន្តរជាតិ ការថែទាំសម្ភារៈ និងដំណើរការស្ថាប័ន។ ក្នុងនោះមាន១៥,៨៦៥ពាន់លានរៀល ប្រមាណ៣,៩លានដុល្លារ សម្រាប់ការបញ្ជាការ ហ្វឹកហ្វឺន និងប្រតិបត្តិការ; ១៣,៥៦៨ពាន់លានរៀល ប្រមាណ៣,៣លានដុល្លារ សម្រាប់ការផ្លាស់ប្តូរយោធា និងរក្សាសន្តិភាពអង្គការសហប្រជាជាតិ; និង៤០,៣០៨ពាន់លានរៀល ប្រមាណ៩,៨លានដុល្លារ សម្រាប់ឧបករណ៍ និងសម្ភារៈបច្ចេកទេស។
ចំណែកធំបំផុតគឺ២,៩២៩៨៥ទ្រីលានរៀល ប្រមាណ៧១២លានដុល្លារ សម្រាប់រដ្ឋបាលស្ថាប័ន និងភស្តុភារ ដែលភាគច្រើនគ្របដណ្តប់ដំណើរការរដ្ឋបាល ការអនុវត្តគោលនយោបាយបម្រើយោធា និងការកសាងប្រព័ន្ធគាំទ្រភស្តុភារ។ អត្ថបទចាត់ទុកថា ថវិកាការពារជាតិឆ្នាំ២០២៦បន្តទិសដៅគោលនយោបាយពង្រឹងការពារជាតិ ពង្រឹងការធានាគាំទ្រ បង្កើនប្រសិទ្ធភាពគ្រប់គ្រង និងពង្រីកកិច្ចសហប្រតិបត្តិការអន្តរជាតិ ដែលបង្ហាញការវិនិយោគយុទ្ធសាស្ត្ររយៈពេលវែងរបស់រដ្ឋាភិបាលលើសន្តិសុខជាតិ និងស្ថិរភាពសង្គម។
រៀបរៀងដោយស្ថានីយ។
