ដំណឹងល្អពីក្រុមហ៊ុន Huawei សម្រាប់មន្ត្រីរាជការ និងអ្នកជំនួញ។ ទូរសព្ទឆ្លាតវៃអេក្រង់បត់លំដាប់លេខ១ ឈ្មោះ Mate X7 នឹងដើរតួជាការិយាល័យចល័តរបស់មន្ត្រីរាជការ ប្រធានក្រុមហ៊ុន និងអ្នកជំនួញ។
Mate X7 ត្រូវបានបង្ហាញនៅរសៀលថ្ងៃទី២២ ខែមករា ឆ្នាំ២០២៦ នៅសណ្ឋាគារ Hyatt Regency Phnom Penh។ ព្រឹត្តិការណ៍ដ៏អស្ចារ្យនេះ ទទួលស្វាគមន៍ភ្ញៀវកិត្តិយសជាច្រើន ដូចជាឯកឧត្តម ខៀវ កាញារីទ្ធ អតីតរដ្ឋមន្ត្រីក្រសួងព័ត៌មាន, លោក ពុយ គា ប្រធានក្លិបអ្នកកាសែតកម្ពុជា និងអ្នកមានប្រជាប្រិយភាពតាមបណ្ដាញសង្គមដូចជា លោក ហេង វិសាល និងអ្នកស្រី ស្រីនា ព្រមទាំងអ្នកសារព័ត៌មានជាតិ អន្តរជាតិ ជាច្រើនរូបផ្សេងទៀតផង។
អ្នកប្រើប្រាស់ផលិតផល Huawei Mate X7 នឹងមិនមានក្ដីបារម្ភទៀតឡើយជាមួយកម្មវិធី Google, Gmail, Google Drive, Google Maps, Google meet, Gemini។ ទន្ទឹមគ្នានេះ Mate X7 ងាយស្រួលក្នុងការប្រើប្រាស់ប្រចាំថ្ងៃជាមួយកម្មវិធីទូរសព្ទដៃជាច្រើន ដូចជា ABA, Grab, Facebook, WhatsApp, Telegram, Food Panda ជាដើម ដោយគ្រាន់តែទាញយកកម្មវិធីទាំងនេះពី AppGallery៕
ប្រភព៖ ក្លិបអ្នកកាសែតកម្ពុជា
សម្រួល៖ ចិន្តា ទីទិ
