«កោះមួយ» បានធ្វើអនុប្បយោគប្ដូរចំណាត់ថ្នាក់ទីតាំង ពីទ្រព្យសម្បត្តិសាធារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ ដើម្បីធ្វើការអភិវឌ្ឍជារមណីយដ្ឋានអេកូទេសចរណ៍ និងរីស៊ត នេះបើយោងតាមអនុក្រឹត្យលេខ ២១៨អនក្រ.បក ចុះថ្ងៃទី២០ ខែវិច្ឆិកា ឆ្នាំ២០២៥។
«កោះមួយ» មានទំហំ១,១ហិកតា ដែលស្ថិតនៅសង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។
គួរបញ្ជាក់ដែរថា យោងតាមរបាយករណ៍របស់ក្រុមប្រឹក្សាអភិវឌ្ឍន៍កម្ពុជា (CDC) កាលពីអំឡុងឆ្នាំ២០២៣ កន្លងទៅ បានឱ្យដឹងថា ក្រុមហ៊ុន G.T.V.C IMPORT EXPORT Co.,Ltd. មានគម្រោងដាក់ទុនវិនិយោគទឹកប្រាក់ប្រមាណ៧,៧លានដុល្លារអាម៉េរិក ដើម្បីធ្វើការអភិវឌ្ឍជារមណីយដ្ឋានអេកូទេសចរណ៍ និងរីស៊ត នៅលើទីតាំង «កោះមួយ» ៕
ដោយ៖ ចិន្តា ទីទិ
