ស្ថានភាពព្រំដែនមីយ៉ាន់ម៉ា–ថៃតានតឹងជាថ្មី ក្រោយកងទ័ពរដ្ឋាភិបាលមីយ៉ាន់ម៉ាប្រយុទ្ធខ្លាំងជាមួយសហភាពជាតិការ៉ែននៅតំបន់ភូមិ Min Lapan ទល់មុខភូមិព្រំដែនក្នុងស្រុកម៉ែសត ខេត្តតាក ប្រទេសថៃ។
កងទ័ពមីយ៉ាន់ម៉ាបានដាក់ពង្រាយកងពលថ្មើរជើងលេខ២២ និងដ្រូនជាច្រើនប្រភេទ រួមមានដ្រូនស៊ើបការណ៍ ទម្លាក់គ្រាប់បែក និងដ្រូនអត្តឃាត ដើម្បីវាយប្រហារខ្លាំងលើទីតាំងរឹងមាំចម្ងាយត្រឹមប្រមាណ១គីឡូម៉ែត្រពីព្រំដែន។
ទោះប្រព័ន្ធផ្សព្វផ្សាយផ្លូវការមីយ៉ាន់ម៉ាមិនទាន់រាយការណ៍ពីការប៉ះទង្គិចក៏ដោយ គ្រាប់កាំភ្លើងពីការប្រយុទ្ធបានហោះឆ្លងចូលថៃ ប៉ះផ្ទះប្រជាពលរដ្ឋព្រំដែនមួយនិងបង្កការខូចខាត។ មិនទាន់ទទួលរបាយការណ៍ជនស៊ីវិលថៃស្លាប់ឬរបួសនៅពេលនោះទេ។
ព័ត៌មានសរុបដោយក្រុមព័ត៌មាន
