ស្ត្រីបរទេសរងរបួសនៅកោះរ៉ុង ត្រូវបានរៀបចំបញ្ជូនទៅមន្ទីរពេទ្យក្នុងខេត្តព្រះសីហនុ

ក្រុងកោះរ៉ុង៖ អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានចាត់ចែងបញ្ជូនស្ត្រីជនជាតិបរទេសម្នាក់ ដែលជួបគ្រោះថ្នាក់បណ្តាលឱ្យរងរបួសនៅក្រុងកោះរ៉ុង មកកាន់ខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យ កាលពីថ្ងៃទី១៩ ខែកុម្ភៈ ឆ្នាំ២០២៦។

ស្ត្រីជនជាតិបរទេសខាងលើ ត្រូវបានក្រុមការងាររបស់អ្នកឧកញ៉ា បញ្ជូនតាមអូប័រ មកកាន់កំពង់ផែទេសចរណ៍ក្រុងព្រះសីហនុ ដោយសុវត្ថិភាព បន្ទាប់មកបន្តដឹកតាមរថយន្តសង្គ្រោះរបស់ក្រុមហ៊ុន GTVC របស់អ្នកឧកញ៉ា ទៀ វិចិត្រ ទៅសង្គ្រោះបន្ទាន់នៅមន្ទីរពេទ្យក្នុងខេត្តព្រះសីហនុ។ ដោយ៖ ប៉ៃ សុឃីម