កងទ័ពថៃបានឃាត់ខ្លួនជនជាតិចិន២០នាក់ ដែលសង្ស័យថាបានចូលប្រទេសដោយខុសច្បាប់ នៅស្រុកម៉ែសត ខេត្តតាក នាថ្ងៃទី២៣ ខែកុម្ភៈ។ ក្នុងចំណោមពួកគេ បួននាក់មានលិខិតឆ្លងដែន និង១៦នាក់គ្មាន។
ក្រុមនេះបានឆ្លងទន្លេមឿយពីតំបន់ Shwe Kokko ក្នុងក្រុងមីយ៉ាវ៉ាឌី ប្រទេសមីយ៉ាន់ម៉ា ហើយបានប្រាប់អាជ្ញាធរថា ពួកគេរត់ចេញពីទីតាំងឆបោកតាមអ៊ីនធឺណិត។
ពួកគេត្រូវបានចាត់ការតាមនីតិវិធីពាក់ព័ន្ធនឹងការសង្ស័យចូល និងស្នាក់នៅដោយខុសច្បាប់ ហើយបញ្ជូនទៅអាជ្ញាធរអន្តោប្រវេសន៍ដើម្បីស៊ើបអង្កេតបន្ថែម។ សម្រួលដោយក្រុមនិពន្ធ។