គ្រោះថ្នាក់ចរាចរណ៍ទូទាំងប្រទេសបង្កឱ្យស្លាប់និងរបួស១៦នាក់

មនុស្សយ៉ាងហោចណាស់ ២នាក់បានស្លាប់ និងរបួស១៤នាក់ ក្នុងករណីគ្រោះថ្នាក់ចរាចរណ៍ទូទាំងប្រទេសដែលបានកើតឡើងចំនួន៨លើក នៅថ្ងៃទី២៤ ខែកុម្ភៈ ឆ្នាំ២០២៦។

បើតាមរបាយការណ៍របស់អគ្គស្នងការដ្ឋាននគរបាលជាតិ គ្រោះថ្នាក់ចរាចរណ៍នាថ្ងៃម្សិលមិញនេះ កើតឡើងនៅពេលយប់៤លើក បណ្តាលឱ្យមនុស្សស្លាប់ ២នាក់ និងរងរបួសសរុប ១៤នាក់ (ស្រី៥នាក់) ក្នុងនោះរងរបួសធ្ងន់៩នាក់(ស្រី៤នាក់), រងរបួសស្រាល៥នាក់(ស្រីម្នាក់) និងមិនពាក់មួកសុវត្ថិភាព ៦នាក់ (យប់ ៤នាក់)។ មូលហេតុដែលបង្កឱ្យមានគ្រោះថ្នាក់ បើតាមអគ្គស្នងការដ្ឋាននគរបាលជាតិ រួមមាន៖ ល្មើសល្បឿន៤លើក, មិនគោរពសិទ្ឋិ ៣លើក និងបត់គ្រោះថ្នាក់ ១លើក៕

ដោយ៖ ង៉ែត ពិសាន្ត