នៅថ្ងៃទី៨ ខែមីនា អាជ្ញាធរខណ្ឌពោធិ៍សែនជ័យ ភ្នំពេញ បានសហការជាមួយមន្ទីររ៉ែនិងថាមពល មន្ទីរពាណិជ្ជកម្ម និងអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ចុះពិនិត្យស្ថានីយ Peace មួយលើមហាវិថីសហព័ន្ធរុស្ស៊ី សង្កាត់កាកាបទី១។ មន្ត្រីថា ស្ថានីយមិនបង្ហាញតម្លៃតាមកំណត់ ហើយលក់ប្រេងលើស៦ពាន់រៀលក្នុងមួយលីត្រ ដែលផ្ទុយនឹងបទប្បញ្ញត្តិតម្លៃប្រេងលក់រាយថ្មីរបស់ក្រសួងពាណិជ្ជកម្ម។
ចំពោះការរកឃើញនេះ អាជ្ញាធរបានពិន័យ៤លានរៀលនៅទីតាំង និងតម្រូវឱ្យអ្នកទទួលខុសត្រូវចុះកិច្ចសន្យាកែតម្រូវភ្លាមៗតាមច្បាប់ និងបទប្បញ្ញត្តិបច្ចេកទេសពាក់ព័ន្ធ ដើម្បីធានាការធ្វើអាជីវកម្មស្របច្បាប់។
