តាមលោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ នៅថ្ងៃទី១៥ ខែមេសា ឆ្នាំ២០២៦ ដែលជាថ្ងៃទី២នៃបុណ្យចូលឆ្នាំខ្មែរ ខេត្តបានទទួលភ្ញៀវទេសចរសរុប១៤១១០៧លើក។ របាយការណ៍បង្ហាញអត្រាកើនឡើង២,៩៨ភាគរយ។
របាយការណ៍របស់ប្រធានមន្ទីរទេសចរណ៍បង្ហាញថា ក្នុងនោះមានភ្ញៀវជាតិ១៣៧៧៤០លើក កើនឡើង៣,៤១ភាគរយ និងភ្ញៀវបរទេស៣៣៦៧លើក ថយចុះ១២,១៣ភាគរយ។
នៅតាមឆ្នេរ និងរមណីយដ្ឋាននានា មានភ្ញៀវសរុប១៣៩៧១៩លើក កើនឡើង២,៦៣ភាគរយ ក្នុងនោះភ្ញៀវជាតិ១៣៧០៦០លើក កើនឡើង៣,២៤ភាគរយ និងភ្ញៀវបរទេស២៦៥៩លើក ថយចុះ២១,៣០ភាគរយ។ ដោយឡែក មានជើងហោះហើរចូលតាមអាកាសយានដ្ឋានអន្តរជាតិចំនួន៣ជើង កើនឡើង១ជើងធៀបនឹងឆ្នាំមុន ដោយមានភ្ញៀវដែលរបាយការណ៍កត់ត្រាសរុប២៧០លើក កើនឡើង១៤១,០៧ភាគរយ។ ក្នុងនោះ ភ្ញៀវជាតិមាន២លើក ថយចុះ៦០ភាគរយ និងភ្ញៀវអន្តរជាតិ២៦៨លើក កើនឡើង១៥០,៤៦ភាគរយ។
នៅតាមកោះនានា មានភ្ញៀវទេសចរសរុប១១១៨លើក កើនឡើង៤៤,៦៣ភាគរយ ក្នុងនោះភ្ញៀវជាតិ៦៧៨លើក កើនឡើង៥៨,៧៨ភាគរយ និងភ្ញៀវបរទេស៤៤០លើក កើនឡើង២៧,១៦ភាគរយ។
ដោយ៖ ប៉ៃ សុឃីម
