ស្ថានីយទូរទស្សន៍ខេត្តព្រះសីហនុរាយការណ៍នៅថ្ងៃទី២០ ខែកក្កដាថា ក្នុងឆមាសទី១ ឆ្នាំ២០២៥ កម្ពុជាបាននាំចេញកសិផលប្រមាណ៧,៨លានតោនទៅកាន់៧៨ប្រទេសទូទាំងពិភពលោក ដោយទទួលចំណូលប្រមាណ២ ៨៧២លានដុល្លារអាមេរិក។
យោងតាមរបាយការណ៍របស់អគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទ ចាប់ពីខែមករាដល់ខែមិថុនា កម្ពុជាបាននាំចេញកសិផលទៅកាន់៧៨ប្រទេស។ ក្នុងនោះ ការនាំចេញស្រូវមានជាង៣,១លានតោន អង្ករជាង៣៨ម៉ឺនតោន និងកសិផលផ្សេងទៀតក្រៅពីស្រូវនិងអង្ករមានជាង៤,២លានតោន។ បរិមាណនាំចេញសរុបកើនឡើង២៧,៦៦ភាគរយធៀបនឹងរយៈពេលដូចគ្នាឆ្នាំមុន។
ទោះបីការនាំចេញកសិផលសរុបក្នុងឆមាសទី១ ឆ្នាំ២០២៥ មានកំណើនក៏ដោយ ការនាំចេញដំណាំមួយចំនួន ដូចជាដំឡូងមីស្រស់ ពោតក្រហម និងស្វាយស្រស់ បានថយចុះ។ មូលហេតុសំខាន់គឺកសិករយកដំឡូងមីស្រស់ទៅហាលឱ្យស្ងួត និងកែច្នៃជាម្សៅ ជំនួសឱ្យការនាំចេញស្រស់។ ក្រុមហ៊ុនក្នុងស្រុកទិញពោតក្រហមក្នុងបរិមាណច្រើនដើម្បីផលិតចំណីសត្វ ហើយរោងចក្រក្នុងស្រុកទិញស្វាយទៅកែច្នៃជាដំណាប់ស្វាយសម្រាប់នាំចេញទៅទីផ្សារអន្តរជាតិ។
អត្ថបទ៖ Chenda Teyte
កែសម្រួល៖ 赵毅
