នៅថ្ងៃទី៣០ ខែមិថុនា ឆ្នាំ២០២៦ គណៈបញ្ជាការឯកភាពខណ្ឌទួលគោក បានបើកប្រតិបត្តិការចុះរដ្ឋបាល និងស្រង់ស្ថិតិជនបរទេសតាមបុរី សណ្ឋាគារ ខុនដូ អាផាតមិន ការដ្ឋានសំណង់ អគារស្នាក់នៅរួម ផ្ទះសំណាក់ និងផ្ទះជួល ក្នុងភូមិសាស្ត្រសង្កាត់ទាំង១០ ដោយបានត្រួតពិនិត្យសរុបចំនួន ១៤ទីតាំង។
ប្រតិបត្តិការនេះធ្វើឡើងស្របតាមអនុក្រឹត្យ និងបទបញ្ជារបស់រាជរដ្ឋាភិបាល ស្តីពីការគ្រប់គ្រង និងត្រួតពិនិត្យជនបរទេសស្នាក់នៅក្នុងរាជធានីភ្នំពេញ។
ជាលទ្ធផល ក្រុមការងារបានរកឃើញជនបរទេសស្នាក់នៅសរុបចំនួន ៤៤នាក់ ក្នុងនោះស្ត្រី ២៤នាក់ មានចំនួន ១០សញ្ជាតិផ្សេងគ្នា ហើយទាំងអស់មានលិខិតឆ្លងដែន និងទិដ្ឋការត្រឹមត្រូវតាមច្បាប់។
ជាពិសេស ការចុះត្រួតពិនិត្យនេះពុំបានរកឃើញករណីពាក់ព័ន្ធនឹងបទល្មើស Online Scam ឬសកម្មភាពខុសច្បាប់ផ្សេងៗនោះឡើយ៕
ដោយ៖ ប៉ៃ សុឃីម
