នៅពេលរដូវវស្សាចូលមកដល់ ទឹកដីខេត្តសៀមរាបប្រែខ្លួនទៅជាផ្ទាំងទេសភាពពណ៌បៃតងស្រស់បំព្រង ដែលធ្វើឱ្យប្រាសាទបុរាណដ៏អស្ចារ្យកាន់តែមានសម្រស់ទាក់ទាញ និងពោរពេញទៅដោយភាពស្ងប់ស្ងាត់។ រដូវកាលបៃតងមិនត្រឹមតែផ្តល់នូវអាកាសធាតុត្រជាក់ស្រួល និងទេសភាពធម្មជាតិដ៏ស្រស់ស្អាតប៉ុណ្ណោះទេ ប៉ុន្តែថែមទាំងជាពេលវេលាដ៏ល្អបំផុតសម្រាប់ភ្ញៀវទេសចរដែលចង់ស្វែងយល់ពីអរិយធម៌ខ្មែរបុរាណ ដោយជៀសវាងពីភាពមមាញឹកនៃរដូវទេសចរណ៍កំពូលផងដែរ។
ក្នុងចំណោមសម្បត្តិបេតិកភណ្ឌដ៏អស្ចារ្យជាច្រើនរបស់សៀមរាប មានប្រាសាទដ៏ល្បីល្បាញចំនួន ៥ ដែលភ្ញៀវទេសចរមិនគួររំលងនៅពេលអញ្ជើញមកកម្សាន្តនារដូវកាលបៃតងនេះ។ ប្រាសាទនីមួយៗមានស្ថាបត្យកម្មដ៏អស្ចារ្យ ប្រវត្តិសាស្ត្រដ៏វែងឆ្ងាយ និងសម្រស់ធម្មជាតិដែលរួមបញ្ចូលគ្នាយ៉ាងល្អឥតខ្ចោះ បង្កើតបានជាបទពិសោធន៍ដ៏គួរឱ្យចងចាំសម្រាប់អ្នកទស្សនាគ្រប់រូប។
ការធ្វើដំណើរទៅកាន់ប្រាសាទទាំងនេះ មិនត្រឹមតែជាការទស្សនាសំណង់បុរាណប៉ុណ្ណោះទេ ប៉ុន្តែជាឱកាសដើម្បីស្វែងយល់ពីភាពអស្ចារ្យនៃអរិយធម៌ខ្មែរ ស្រូបយកខ្យល់អាកាសបរិសុទ្ធ និងរីករាយជាមួយទេសភាពពណ៌បៃតងដ៏ស្រស់ត្រកាល ដែលមានតែរដូវវស្សាប៉ុណ្ណោះ៕
ដោយ៖ ប៉ៃ សុឃីម
