ប្រធានក្រុមការងាររាជរដ្ឋាភិបាលចុះជួយក្រុងកំពង់សោម ចុះពិនិត្យប្រព័ន្ធអូរប្រឡាយ និងការស្តារប្រឡាយក្នុងសង្កាត់រាម ក្រុងកំពង់សោម

ឯកឧត្តម ឡៅ ទិព្វសីហា ប្រធានក្រុមការងាររាជរដ្ឋាភិបាលចុះជួយក្រុងកំពង់សោម រួមជាមួយក្រុមការងារក្រុងកំពង់សោម និងសង្កាត់រាម កាលពីថ្ងៃទី៥ខែមីនាឆ្នាំ២០២៦ បានអញ្ជើញចុះពិនិត្យប្រព័ន្ធអូរប្រឡាយ និងការស្តារប្រឡាយទឹកមួយខ្សែស្ថិតនៅក្នុងភូមិស្មាច់ដែង សង្កាត់រាម ក្រុងកំពង់សោម ខេត្តព្រះសីហនុ ដើម្បីឲ្យចរន្តទឹកហូរបានលឿនបញៀសពីការកកស្ទះបង្កជាជំនន់ទឹកភ្លៀងនៅរដូវវស្សា។ ព្រោះថាអូប្រឡាយមួយចំនួនរាក់រួមតូចដោយសារដីហូរចាក់ដូចនេះទើបក្រុមការងារដឹកនាំដោយឯកឧត្តម ឡៅ ទិព្វសីហា ចុះពិនិត្យដោយផ្ទាល់និងដាក់គ្រឿងចក្រកាយស្តាឲ្យបានធំទូលាយឡើងវិញ ទាំងនេះគឺជាការយកចិត្តទុកដាក់របស់ថ្នាក់ដឹកនាំចំពោះសុខទុក្ខរបស់ប្រជាពលរដ្ឋនៅក្នុងមូលដ្ឋាន៕ ដោយ៖ ប៉ៃ សុឃីម