សមត្ថកិច្ចឃាត់ខ្លួនជនបរទេស១០៧នាក់នៅកាស៊ីណូសៀងហៃ រីហ្សត ខេត្តស្វាយរៀង
តាមរបាយការណ៍នគរបាល ប្រតិបត្តិការថ្ងៃទី១ មេសាឃាត់១០៧នាក់ ក្នុងនោះជនសង្ស័យពាក់ព័ន្ធល្បែងអនឡាញ៤នាក់ត្រូវបញ្ជូនទៅអយ្យការ និងជនសង្ស័យឆបោក២នាក់ត្រូវប្រគល់ឱ្យនគរបាល និង១០១នាក់បញ្ជូនទៅអន្តោប្រវេសន៍។
ខ្លឹមសារប្រភព
ខេត្តស្វាយរៀង៖ កម្លាំងនគរបាលជាតិឃាត់ខ្លួនជនបរទេសចំនួន ១០៧ នាក់ ពាក់ព័ន្ធអនឡាញ នៅកាស៊ីណូ សៀងហៃ រីហ្សត។ ដោយមានការសម្របសម្រួលនីតិវិធីពីលោក ដូរ៉ា អង្គប្រទាន ព្រះរាជអាជ្ញារងនៃអយ្យការអមសាលាដំបូងខេត្តស្វាយរៀង កម្លាំងសមត្ថកិច្ចប្រតិបត្តិការចម្រុះ ដឹកនាំដោយឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ កាលពីថ្ងៃទី១ ខែមេសា ឆ្នាំ២០២៦ បានចុះត្រួតពិនិត្យ និងឆែកឆេរទីតាំងក្រុមហ៊ុនកាស៊ីណូ សៀងហៃ រីហ្សត ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង បន្ទាប់ពីរកឃើញតម្រុយសង្ស័យពាក់ព័ន្ធនឹងការលបលួចធ្វើអាជីវកម្មអនឡាញខុសច្បាប់។
ប្រតិបត្តិការនេះ ធ្វើឡើងស្របតាមច្បាប់ និងបទបញ្ជាដ៏ម៉ឺងម៉ាត់របស់សម្ដេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា និងការចង្អុលបង្ហាញយ៉ាងគត់ម៉ត់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដោយមានឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ជាអ្នកដឹកនាំការអនុវត្តយ៉ាងយកចិត្តទុកដាក់បំផុត។
ជាលទ្ធផល ប្រតិបត្តិការកម្លាំងចម្រុះបានរកឃើញជនបរទេសចំនួន ១០៧ នាក់ ក្នុងនោះមានស្រី ២៦ នាក់ មាន ៤ សញ្ជាតិ រួមមាន ជនជាតិចិន ៦៧ នាក់ (ស្រី ៧ នាក់) ឥណ្ឌូនេស៊ី ២១ នាក់ (ស្រី ៩ នាក់) មីយ៉ាន់ម៉ា ២ នាក់ (ស្រី) និងវៀតណាម ១៧ នាក់ (ស្រី ៨ នាក់)។
រួមជាមួយឧបករណ៍ និងសម្ភារៈ រួមមាន កំព្យូទ័រលើតុ ALL IN ONE ចំនួន ៨៩ គ្រឿង កំព្យូទ័រយួរដៃ ៥៧ គ្រឿង iPad ៧៣ គ្រឿង MONITOR ១ គ្រឿង ទូរស័ព្ទដៃចម្រុះម៉ាក ១,៤២១ គ្រឿង ម៉ាស៊ីន PRINTER ១ គ្រឿង និងទូដែក ៧។
នេះបើយោងតាមរបាយការណ៍របស់នាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ។
ផ្អែកតាមសកម្មភាពត្រួតពិនិត្យ និងឆែកឆេរជាក់ស្តែង សមត្ថកិច្ចជំនាញបានសន្និដ្ឋានថា ក្នុងចំណោមអ្នកពាក់ព័ន្ធ មានជនសង្ស័យ ៤ នាក់ បានប្រព្រឹត្តសកម្មភាពលបលួចធ្វើអាជីវកម្មល្បែងស៊ីសងតាមប្រព័ន្ធអនឡាញខុសច្បាប់ តាមរយៈវេបសាយ BABY SLOT និង ២ នាក់ទៀត ជាប់ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (ONLINE SCAM)។
ជនសង្ស័យ ៤ នាក់ ត្រូវបានកសាងសំណុំរឿង និងបញ្ជូនទៅកាន់អយ្យការអមសាលាដំបូងខេត្តស្វាយរៀង ខណៈដែលជនសង្ស័យ ២ នាក់ទៀត ត្រូវបានប្រគល់ជាមួយវត្ថុតាងពាក់ព័ន្ធឱ្យកម្លាំងស្នងការដ្ឋាននគរបាលខេត្តស្វាយរៀង ដើម្បីបន្តនីតិវិធីពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (ONLINE SCAM)។ ចំណែកជនបរទេសចំនួន ១០១ នាក់ផ្សេងទៀត ត្រូវបានបញ្ជូនទៅកាន់អគ្គនាយកដ្ឋានអន្តោប្រវេសន៍ ដើម្បីបន្តនីតិវិធីតាមច្បាប់។ ដោយ៖ ប៉ៃ សុឃីម
កំណែប្រភព
{
"publishedSourceRevision": "1",
"publishedWorkingVersionId": "14288",
"languageVersionId": "8932",
"visibilityVersion": "2",
"versionToken": "a1.KmIi2pqURlSYbleePnmb_vp6FxqbCjPTWVGH1Pyb2pc"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។