ស្នងការភ្នំពេញប្រកាសអនុវត្តច្បាប់តឹងរ៉ឹង ចំពោះការដូរពណ៌យានយន្តខុសច្បាប់

បើតាមការបង្ហោះរបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី០៣ មីនា ឆ្នាំ២០២៦នេះបានឱ្យដឹងថា ខ្ញុំសូមគោរជម្រាបជូន ពុកម៉ែ ពូមីង បងប្អូនកូនក្មួយ មេត្តាជ្រាបថា រាល់ករណីណាដែលកែឆ្នៃខុសពីសភាពដើមដោយគ្មានការគោរពស្នើសុំទៅអង្គភាព ជំនាញពាក់ព័ន្ធទេ ជាអពើខុសច្បាប់។នៅលើពិភពលោក គឺមិនអនុញ្ញាតិឱ្យដូរពណ៌តាមចិត្តចង់ លើមធ្យោបាយដែលច្បាប់ចេញលិខិតបញ្ញាក់សំគាល់រួចហើយបានទេ (ចង់ដោះដូរត្រូវសុំការ អនុញ្ញាតិពី មន្ទីរគមនាគមន៍)ជៀសវាងក្រុមឧក្រិដ្ឋជនក្លែងបន្លំ យកទៅធ្វើសកម្មភាពហើយដោះដូរពណ៌ ឬស្លាកលេខ ដើម្បីបំភាន់ភ្នែកពីសមត្ថកិច្ច។ ជាមួយគ្នានេះ ស្នងការរាជធានីភ្នំពេញបានសំណូមពរដល់កន្លែងបិទ និងបាញ់ថ្នាំ ដូរពណ៌ខុសពីភាពដើមបើគ្មានលិខិតបញ្ជាក់ពីជំនាញគមនាគមន៌ទេ សូមកុំដូរឱ្យពួកគាត់ឱ្យសោះ៕  ដោយ៖ ឡាយ កុល