អាជ្ញាធរអប្សរាអំពាវនាវឱ្យភ្ញៀវអង្គរប្រុងប្រយ័ត្នហានិភ័យដែលអាចបង្កពីខ្យល់ព្យុះ

តាមសេចក្ដីរាយការណ៍យោងសេចក្ដីជូនដំណឹងរបស់ក្រសួងធនធានទឹកនិងឧតុនិយម ចុះថ្ងៃទី១០ ខែមេសា ឆ្នាំ២០២៦ កម្ពុជាត្រូវបានព្យាករថានឹងរងឥទ្ធិពលមួយចំនួនពីខ្យល់ព្យុះទី៤ ឈ្មោះ«ស៊ីនឡាគូ» ចាប់ពីថ្ងៃទី១៤ដល់២៥ ខែមេសា។ ខេត្តសៀមរាបក៏អាចរងឥទ្ធិពលខ្លះៗផងដែរ។ រមណីយដ្ឋានអង្គរអាចរងផលប៉ះពាល់ពីឥទ្ធិពលព្យុះ ដែលអាចបង្កភ្លៀង ផ្គរ រន្ទះ និងខ្យល់កន្ត្រាក់ ធ្វើឱ្យដីជ្រាយ ហើយដើមឈើអាចរលំ ឬបាក់មែកនៅទីតាំងខ្លះ។ ក្នុងន័យនេះ អាជ្ញាធរជាតិអប្សរាអំពាវនាវដល់សាធារណជន ភ្ញៀវទេសចរជាតិនិងអន្តរជាតិ អ្នកបើកបរយានយន្តគ្រប់ប្រភេទ និងអ្នកដឹកភ្ញៀវទេសចរទាំងអស់ ឱ្យបង្កើនការប្រុងប្រយ័ត្នពេលធ្វើដំណើរ ឬទស្សនាប្រាសាទក្នុងរមណីយដ្ឋានអង្គរ ជាពិសេសអំឡុងពេលខាងលើ។ អាជ្ញាធរស្នើកុំចតយានយន្ត ឬឈប់ជ្រកក្រោមដើមឈើ ដើម្បីបង្ការហានិភ័យរបួស ខូចខាតទ្រព្យសម្បត្តិ និងអាចប៉ះពាល់អាយុជីវិត។ ដោយ៖ ប៉ៃ សុឃីម រូបឯកសារ។ រូបឯកសារ។