ក្រោមរូបភាពកម្ចីអនឡាញ!!ជនសង្ស័យ២នាក់ត្រូវឃាត់និងឃុំខ្លួនក្រោយគំរាមហែកកេរ្តិ៍ជនរងគ្រោះ
នាយកដ្ឋានប្រឆាំងបទល្មើសបច្ចេកវិទ្យាបានឃាត់ជនសង្ស័យ២នាក់ រួមមានស្ត្រីម្នាក់ ពាក់ព័ន្ធការគំរាមហែកកេរ្តិ៍ និងកំហែងទារប្រាក់ក្រោមរូបភាពកម្ចីអនឡាញខុសច្បាប់។ ចៅក្រមបានសម្រេចឃុំខ្លួនបណ្ដោះអាសន្ន ហើយនាយកដ្ឋានរំលឹកឱ្យពិនិត្យភាពស្របច្បាប់របស់អ្នកផ្តល់កម្ចី។
ខ្លឹមសារប្រភព
ជនសង្ស័យ២នាក់(ស្រីម្នាក់) ត្រូវបាននាយកដ្ឋានប្រឆាំងបទល្មើសបច្ចេកវិទ្យាបើកការស្រាវជ្រាវឈានដល់ការឃាត់ខ្លួន និងបញ្ជូនទៅចៅក្រមនៃសាលាដំបូងរាជធានីភ្នំពេញ សម្រេចឃុំខ្លួនបណ្ដោះអាសន្ន កាលពីពេលថ្មីៗនេះ ក្រោយពីពួកគេកំហែងយកប្រាក់ និងគំរាមកំហែងហែកកេរ្តិ៍ជនរងគ្រោះ ក្រោមរូបភាពកម្ចីតាមអនឡាញខុសច្បាប់។
ប្រតិបត្តិការស្រាវជ្រាវឃាត់ជនសង្ស័យខាងលើ ធ្វើឡើងតាមបញ្ជាដឹកនាំរបស់នាយឧត្ដមសេនីយ៍ ស ថេត អគ្គស្នងការនគរបាលជាតិ និងតាមការចង្អុលណែនាំពីឧត្ដមសេនីយ៍ឯក អគ្គស្នងការរងនគរបាលជាតិ។ តាមការស្រាវជ្រាវ កម្លាំងជំនាញកំណត់បានថា ជនសង្ស័យបានប្រើប្រាស់គណនីហ្វេសប៊ុកឈ្មោះ Zeii Neth ជាមធ្យោបាយទាក់ទងជាមួយជនរងគ្រោះ ដើម្បីគំរាមកំហែងហែកកេរ្តិ៍ និងកំហែងទារប្រាក់ពីជនរងគ្រោះ។
ជនសង្ស័យទាំង០២នាក់ ត្រូវបាននាយកដ្ឋានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ និងត្រូវបានចៅក្រមនៃសាលាដំបូងរាជធានីភ្នំពេញ សម្រេចឃុំខ្លួនបណ្ដោះអាសន្នពីបទ «គំរាមកំហែងហែកកេរ្តិ៍» ដោយឃុំខ្លួននៅមណ្ឌលអប់រំកែប្រែទី១(ព្រៃស ម១) និង មណ្ឌលអប់កែប្រែទី២(ព្រៃស ម២)។
នាយកដ្ឋានប្រឆាំងបទល្មើសបច្ចេកវិទ្យា បានក្រើនរំលឹកដល់សាធារណជនមេត្តាពិនិត្យ ពិចារណាឱ្យបានហ្មត់ចត់ មុនសម្រេចចិត្តក្នុងការខ្ចីប្រាក់តាមរយៈអនឡាញ ជាពិសេសសូមពិនិត្យថា តើអ្នកផ្តល់កម្ចីនោះមានស្ថាប័នកម្ចីស្របច្បាប់ដែរឬទេ មុននឹងសម្រេចចិត្តក្នុងការខ្ចី ជៀសវាងទទួលនូវហានិភ័យនានានៅពេលក្រោយ៕ ដោយ៖ ង៉ែត ពិសាន្ត
កំណែប្រភព
{
"publishedSourceRevision": "1",
"publishedWorkingVersionId": "13171",
"languageVersionId": "6420",
"visibilityVersion": "2",
"versionToken": "a1.VTbmC9EDCMFN2HyS3UPwuNzgLCdczkPFXKujLtA4eqY"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។