អាវុធហត្ថព្រះសីហនុ បង្ក្រាបទីតាំង Online Scam ឃាត់ខ្លួនជនបរទេស ៩នាក់ ដកហូតកុំព្យូទ័រ និងទូរសព្ទជាច្រើនគ្រឿង
អាវុធហត្ថខេត្តព្រះសីហនុបានបង្ក្រាបទីតាំងសង្ស័យឆបោកអនឡាញនៅផ្ទះល្វែង៣ល្វែង នាថ្ងៃទី២១ ខែមិថុនា ដោយឃាត់ជនសង្ស័យចិន៨នាក់ និងមីយ៉ាន់ម៉ាម្នាក់ និងដកហូតកុំព្យូទ័រ៨ឈុត ទូរសព្ទ១២គ្រឿង ព្រមទាំងឯកសារពាក់ព័ន្ធ។
ខ្លឹមសារប្រភព
ខេត្តព្រះសីហនុ៖ កម្លាំងជំនាញនៃកងរាជអាវុធហត្ថខេត្តព្រះសីហនុ បានបើកប្រតិបត្តិការបង្ក្រាបទីតាំងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam) មួយកន្លែង ស្ថិតនៅផ្ទះល្វែងចំនួន ៣ល្វែង ក្នុងភូមិ៣ សង្កាត់លេខ១ ក្រុងព្រះសីហនុ កាលពីវេលាម៉ោង ០០:០៥នាទី រំលងអធ្រាត្រ ថ្ងៃទី២១ ខែមិថុនា ឆ្នាំ២០២៦។
ប្រតិបត្តិការនេះ ធ្វើឡើងក្រោមការដឹកនាំបញ្ជារបស់លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ និងមានការសម្របសម្រួលនីតិវិធីពីលោក វុធ សាវី ព្រះរាជអាជ្ញារង អមសាលាដំបូងខេត្តព្រះសីហនុ។
ជាលទ្ធផល សមត្ថកិច្ចបានឃាត់ខ្លួនជនសង្ស័យសរុប ៩នាក់ ក្នុងនោះមានជនជាតិចិន ៨នាក់ និងជនជាតិមីយ៉ាន់ម៉ា ១នាក់ ពាក់ព័ន្ធនឹងសកម្មភាពឆបោកតាមអនឡាញ។
ក្រៅពីការឃាត់ខ្លួនជនសង្ស័យ សមត្ថកិច្ចក៏បានដកហូតវត្ថុតាងមួយចំនួន រួមមាន កុំព្យូទ័រ All-in-One ចំនួន ៨ឈុត ទូរសព្ទដៃ ១២គ្រឿង លិខិតឆ្លងដែន អត្តសញ្ញាណប័ណ្ណ បណ្ណការងារ កាតធនាគារ និងឯកសារពាក់ព័ន្ធផ្សេងៗជាច្រើនទៀត។
បច្ចុប្បន្ន ជនសង្ស័យទាំង ៩នាក់ រួមជាមួយវត្ថុតាង ត្រូវបានបញ្ជូនទៅការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីបន្តនីតិវិធីតាមផ្លូវច្បាប់៕
ដោយ៖ ប៉ៃ សុឃីម
កំណែប្រភព
{
"publishedSourceRevision": "1",
"publishedWorkingVersionId": "13153",
"languageVersionId": "6366",
"visibilityVersion": "2",
"versionToken": "a1.5z8eEZYcQrkNg7SHxwTRHzpbKz_xuzblDwPx76B4E6I"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។