កាលពីរសៀលថ្ងៃទី៣០ ខែតុលា ឆ្នាំ២០២៦ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំគណៈប្រតិភូកម្ពុជាជួបពិភាក្សាការងារជាមួយគណៈប្រតិភូ ក្រុមប្រឹក្សាធុរកិច្ចអាមេរិក-អាស៊ាន (US-ABC)
ដោយផ្តោតសំខាន់លើការជំរុញភាពប្រកួតប្រជែង និងការផលិតកសិផលឱ្យស្របទៅនឹងតម្រូវការទីផ្សារជាក់ស្តែងនៅប្រទេសសិង្ហបុរី។
ក្នុងឱកាសនោះ ឯកឧត្តមរដ្ឋលេខាធិការ បានបញ្ជាក់ពីការត្រៀមខ្លួនរួចជាស្រេចក្នុងការជួយសម្របសម្រួលដល់រាល់ក្រុមហ៊ុនអាមេរិក ដែលមានបំណងចង់មកវិនិយោគលើវិស័យកសិកម្មនៅកម្ពុជា។
ជាមួយគ្នានោះ ភាគីទាំងពីរ បានឯកភាពបន្តពិនិត្យមើលរួមគ្នាអំពីលទ្ធភាព និងកិច្ចសហប្រតិបត្តិការក្នុងវិស័យស្រាវជ្រាវ និងឱកាសវិនិយោគឱ្យកាន់តែទូលំទូលាយ៕ ដោយ៖ ស្រីពី
