កម្ពុជាជំរុញជប៉ុនឱ្យមកស្វែងយល់ វិនិយោគលើវិស័យកសិកម្ម ឧស្សាហកម្មកែច្នៃអាហារ និងសេវាកម្មទេសចរ នៅកម្ពុជាបន្ថែម!

សេចក្តីសង្ខេប

ក្នុងឱកាសអញ្ជើញចូលរួមកិច្ចប្រជុំកំពូល «World Nishikigoi Summit 2026» ក្រោមប្រធានបទ «Bridging the World with Nishikigoi to a Future of Tradition and Trust» និងព្រឹត្តិការណ៍ពិព័រណ៍ «Cool Japan Expo 2026» នៅទីក្រុងនីហ្គាតា ប្រទេសជប៉ុន កាលពីថ្ងៃទី៧-៨ ខែវិច្ឆិកា ឆ្នាំ២០២៦ លោក ស៊ីន សារ៉ាយ អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំប្រទេសជប៉ុន បានឆ្លៀតជួបសម្តែងការគួរសមនិងពិភាក្សាការងារ ជាមួយ ឯកឧត្តម HIDEYO Hanazumi អភិបាលខេត្តនីហ្គាតា និងជាប្រធានគណៈកម្មាធិការប្រតិបត្តិនៃកិច្ចប្រជុំកំពូលត្រីកយពិភពលោក និងឯកឧត្តម ETSUO Miyazaki អភិបាលក្រុងអូជីយ៉ា (Ojiya City)។ ក្នុងជំនួប លោកអនុព័ន្ធពាណិជ្ជកម្ម បានជម្រាបជូនអំពីកាលានុវត្តភាពវិនិយោគ និងផលិតផលសក្តានុពលខ្ពស់របស់កម្ពុជា ព្រមទាំងបានស្នើសុំរដ្ឋបាលខេត្តនីហ្គាតា ឱ្យជួយជំរុញ និងលើកទឹកចិត្តដល់វិនិយោគិនជប៉ុនក្នុងខេត្ត ឱ្យទៅស្វែងយល់ និងធ្វើធុរកិច្ចវិនិយោគនៅកម្ពុជា លើវិស័យកសិកម្ម ឧស្សាហកម្មកែច្នៃអាហារ និងសេវាកម្មទេសចរណ៍៕