ឯកឧត្តម ពេជ្រ វាសនា អនុរដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម កាលពីថ្ងៃទី១១ ខែវិច្ឆិកា ឆ្នាំ២០២៦ បានដឹកនាំមន្ត្រីបច្ចេកទេស និងភាគីពាក់ព័ន្ធ អមដំណើរក្រុមបេសកកម្មវាយតម្លៃជាមុន (Pre-Appraisal Mission) របស់ទីភ្នាក់ងារ JICA មកពីទីក្រុងតូក្យូ ចុះពិនិត្យទីតាំងជាក់ស្តែង សម្រាប់ «គម្រោងគ្រប់គ្រងទឹកជំនន់នៅអាងស្ទឹងព្រែកត្នោត» ក្នុងភូមិសាស្ត្រខេត្តកំពង់ស្ពឺ។
ការចុះពិនិត្យផ្ទាល់នេះ ធ្វើឡើងក្នុងគោលបំណងវាយតម្លៃអត្ថប្រយោជន៍ កំណត់ទំហំការងារ និងស្ទង់ប្រមាណរយៈពេលអនុវត្ត ដើម្បីរៀបចំសំណើសុំឥណទានសម្បទានថ្មីពីរាជរដ្ឋាភិបាលជប៉ុន។ ជាលទ្ធផល តំណាង JICA បានយល់ដឹងយ៉ាងច្បាស់អំពីតម្រូវការចាំបាច់ក្នុងការស្តារឡើងវិញនូវគម្រោងនេះ។
នៅពេលលេចចេញជាផ្លូវការ គម្រោងគ្រប់គ្រងទឹកជំនន់ស្ទឹងព្រែកត្នោត នឹងចូលរួមចំណែកយ៉ាងសំខាន់ក្នុងការកាត់បន្ថយគ្រោះធម្មជាតិ ទប់ស្កាត់ការខូចខាតផលដំណាំកសិកម្ម និងជួយការពារហេដ្ឋារចនាសម្ព័ន្ធសាធារណៈក្នុងតំបន់ ប្រកបដោយប្រសិទ្ធភាព និងនិរន្តរភាពខ្ពស់៕ ដោយ៖ ប៉ៃ សុឃីម
