នាវាខ្នាតយក្ស Costa Serena នាំទេសចរជនបរទេសជិត ៣ពាន់នាក់មកទស្សនាក្រុងព្រះសីហនុ

នាវាទេសចរណ៍ខ្នាតយក្ស Costa Serena សញ្ជាតិអ៊ីតាលី នៅព្រឹកថ្ងៃទី៤ ខែកុម្ភៈនេះ បានចូលចតនៅកំពង់ផែរស្វយ័តក្រុងព្រះសីហនុ ផ្ទុកភ្ញៀវបរទេសចម្រុះជាតិសាសន៍ប្រហែល ២៨៩៥នាក់ នាវិកប្រហែល ១០៣១នាក់ មកទស្សនាក្រុងព្រះសីហនុ។

នាវាទេសចរណ៍មួយនេះ នឹងទាក់ទាញភ្ញៀវទេសចរបរទេសកាន់តែច្រើនពីជុំវិញពិភពលោកឱ្យមកទស្សនាប្រទេសកម្ពុជា តាមរយៈការលើកកម្ពស់វិស័យទេសចរណ៍ និងធុរៈកិច្ចរបស់កម្ពុជានៅលើឆាកអន្តរជាតិ។

គូសបញ្ជាក់ដែរថា នាវានេះបានចូលចតនៅកម្ពុជាចំនួន២ដងហើយ លើកទី១កាលពីខែឧសភា ឆ្នាំ២០២៣ នាំអ្នកដំណើរប្រហែល ១,៦៧១នាក់ ខណៈលើកទី២នេះ នៅថ្ងៃទី៤ ខែកុម្ភៈ ឆ្នាំ២០២៦នេះ នាំភ្ញៀវទេសចរប្រហែល ២៨៩៥នាក់៕

អត្ថបទ៖ ចិន្តា ទីទិ
រូបថត៖ កែវ ដារ៉ា