នាយករដ្ឋមន្ត្រី ហ៊ុន ម៉ាណែត បញ្ជាក់ថាកម្ពុជាមិនទទួលស្គាល់ការកែព្រំដែនដោយកម្លាំង

ព្រឹកថ្ងៃទី១០ ខែកុម្ភៈ ក្នុងការជួបសិស្សឆ្នើមនិទ្ទេស A នៃការប្រឡងបញ្ចប់មធ្យមសិក្សាទុតិយភូមិទូទាំងប្រទេស នាយករដ្ឋមន្ត្រី ហ៊ុន ម៉ាណែត បញ្ជាក់ឡើងវិញថា ជំហររដ្ឋាភិបាលកម្ពុជាចំពោះព្រំដែនជាតិរឹងមាំនិងច្បាស់លាស់។ កម្ពុជាមិនទទួលស្គាល់ការកែព្រំដែនតាមកម្លាំងឡើយ ហើយគោលការណ៍នេះមិនរង្គោះរង្គើ។

លោកថា ព្រំដែនកម្ពុជា–ថៃជាព្រំដែនស្របច្បាប់ដែលសហគមន៍អន្តរជាតិទទួលស្គាល់ជាទូទៅ។ កម្ពុជាប្រកាន់ដោះស្រាយវិវាទពាក់ព័ន្ធតាមច្បាប់អន្តរជាតិ ដោយសន្តិវិធីនិងស្របច្បាប់ ជាជាងការប្រឈមមុខឬជម្លោះ។

លោកថា ទោះស្ថានការណ៍ព្រំដែននៅស្មុគស្មាញ រដ្ឋាភិបាលនឹងចាត់វិធានការចាំបាច់ទាំងអស់ ដើម្បីការពារអធិបតេយ្យ បូរណភាពទឹកដី សិទ្ធិស្របច្បាប់និងសុវត្ថិភាពប្រជាពលរដ្ឋ។ កម្ពុជានឹងបន្តដោះស្រាយកិច្ចការតំបន់ដោយសមហេតុផលនិងទំនួលខុសត្រូវ ដើម្បីផលប្រយោជន៍ជាតិរយៈពេលវែង សន្តិភាពនិងស្ថិរភាពតំបន់។

សម្រួលដោយក្រុមនិពន្ធ។