កម្ពុជានាំអង្គទូតទៅព្រំដែន និងបញ្ជាក់ជំហរប្រឆាំងការកែប្រែព្រំដែនដោយកម្លាំង

នៅថ្ងៃទី២៣ ខែកុម្ភៈ ក្រសួងការបរទេសកម្ពុជាបានរៀបចំដំណើរទស្សនកិច្ចរបស់អង្គទូតបរទេស និងតំណាងអង្គការអន្តរជាតិទៅព្រំដែនកម្ពុជា–ថៃ ដើម្បីបង្ហាញស្ថានភាពនៅតំបន់ដែលកម្ពុជាថា ត្រូវបានកងទ័ពថៃកាន់កាប់។

ភាគីកម្ពុជាបានលើកឡើងថា ទោះបីមានបទឈប់បាញ់ក្រោយការសម្របសម្រួលរបស់លោក ត្រាំ ក៏ដោយ កងទ័ពថៃនៅតែស្ថិតនៅក្នុងទឹកដីដែលកម្ពុជាអះអាងថាជារបស់ខ្លួន រួមទាំងតំបន់ហួសពីខ្សែអះអាងទឹកដីជាឯកតោភាគីរបស់ថៃ។

រាជរដ្ឋាភិបាលកម្ពុជាបានបញ្ជាក់ជាថ្មីថា ខ្លួនប្រឆាំងការប៉ុនប៉ងកែប្រែព្រំដែនដោយកម្លាំង។ កម្ពុជាសង្ឃឹមថា ដំណើរទស្សនកិច្ចជាក់ស្ដែងនេះនឹងជំរុញឱ្យសហគមន៍អន្តរជាតិយកចិត្តទុកដាក់លើស្ថានភាពព្រំដែន និងជំរុញឱ្យថៃគោរពបទឈប់បាញ់ ហើយដកកងទ័ពចេញពីតំបន់ពាក់ព័ន្ធឱ្យបានឆាប់។

សម្រួលដោយក្រុមនិពន្ធ។