(ខេត្តព្រះសីហនុ)៖ នាវាឈ្មោះ Westerndam ផ្ទុកភ្ញៀវទេសចរចម្រុះជាតិសាសន៍ប្រហែល ១៨៩៩នាក់ បានចូលចតនៅកំពង់ផែស្វយ័តខេត្តព្រះសីហនុ ដោយសុវត្ថិភាព ក្នុងគោលបំណងទស្សនៈកិច្ចស្វែងយល់ពីសក្តានុពលរបស់ប្រទេសកម្ពុជា ជាពិសេសតំបន់ឆ្នេរខេត្តព្រះសីហនុ នាព្រឹកថ្ងៃទី១៨ ខែវិច្ឆិកា ឆ្នាំ២០២៥នេះ។
នាវាទេសចរណ៍នេះ មានភ្ញៀវចម្រុះជាតិសាសន៍ប្រហែល ១៨៩៩នាក់ នាវិកប្រហែល ៨០៨នាក់ មាន៤៣សញ្ជាតិ ដែលធ្វើដំណើរមកពីប្រទេសវៀតណាម ហើយនឹងចាកចេញវិញទៅប្រទេសថៃក្នុងថ្ងៃដដែល។
គូសបញ្ជាក់ថា នាវា Westerndam នេះបានចុះចតនៅកម្ពុជាចំនួន៣លើក ដោយលើកទី១នៅឆ្នាំ២០១៩ លើកទី២នៅឆ្នាំ២០២៣ និងលើកទី៣នៅថ្ងៃទី១៨ ខែវិច្ឆិកា ឆ្នាំ២០២៥នេះតែម្តង៕
អត្ថបទ៖ ចិន្តា ទីទិ
រូបភាព៖ ទាវ វិឆាត
