ទីក្រុងហឺហ្វី ខេត្តអានហួយ៖ នាល្ងាចថ្ងៃទី២៩ ខែឧសភា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំគណៈប្រតិភូខេត្ត អញ្ជើញទស្សនកិច្ចនៅសាកលវិទ្យាល័យ Anhui Sanlian University ស្ថិតក្នុងទីក្រុងហឺហ្វី ខេត្តអានហួយ នៃសាធារណរដ្ឋប្រជាមានិតចិន។
ក្នុងឱកាសនោះ គណៈប្រតិភូបានស្វែងយល់អំពីការអភិវឌ្ឍវិស័យអប់រំ កម្មវិធីបណ្តុះបណ្តាល និងសមត្ថភាពសិក្សារបស់សាកលវិទ្យាល័យ ដែលជាគ្រឹះស្ថានឧត្តមសិក្សាឈានមុខមួយ ផ្តល់កម្មវិធីថ្នាក់បរិញ្ញាបត្រជាង ២០ មុខជំនាញ លើវិស័យសំខាន់ៗជាច្រើន រួមមាន គីមីវិទ្យា ទីផ្សារ រដ្ឋបាល ព័ត៌មានវិទ្យា និងទូរគមនាគមន៍។ ដោយ៖ សុខ ស៊ីណាន
