យោងតាមរបាយការណ៍បស់សមត្ថកិច្ចដែលទទួលបាននៅថ្ងៃទី១៤ ខែកញ្ញា ឆ្នាំ២០២៦សមត្ថកិច្ចចម្រុះប្រចាំព្រលានយន្តហោះអន្តរជាតិតេជោ បានបង្ក្រាបករណីប៉ុនប៉ងរត់ពន្ធគ្រឿងញៀនទ្រង់ទ្រាយធំចេញទៅក្រៅប្រទេស ដោយបានឃាត់ខ្លួនជនសង្ស័យជាជនបរទេស ៣នាក់ កាលពីថ្ងៃទី៩ ខែកញ្ញា ឆ្នាំ២០២៦។
ក្នុងប្រតិបត្តិការនេះ កម្លាំងមន្ត្រីគយ និងរដ្ឋាករ សហការជាមួយនគរបាលអន្តោប្រវេសន៍ បានឆែកឆេររកឃើញវត្ថុតាងជាក់ស្ដែងរួមមាន៖
កញ្ឆាក្រៀម ១៤៦ដុំ (ទម្ងន់ជាង ៧៣ គីឡូក្រាម)
ហេរ៉ូអ៊ីន (ម្សៅស) (៦ ២១៩ក្រាម)
បច្ចុប្បន្ន ជនសង្ស័យទាំង ៣នាក់ រួមជាមួយវត្ថុតាង ត្រូវបានបញ្ជូនទៅកាន់មន្ទីរប្រឆាំងគ្រឿងញៀន ដើម្បីចាត់ការបន្តតាមនីតិវិធីច្បាប់៕
ដោយ៖ ប៉ៃ សុឃីម
