ដុតសំរាមក្បែរផ្ទះទុកចោលរាលដាលឆេះរោងដាក់ឈើទាំងកណ្តាលអាធ្រាត្រ!

រោងដាក់ឈើមួយកន្លែងស្ថិតនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ត្រូវបានអគ្គិភ័យឆាបឆេះនៅវេលាម៉ោង០២និង២៥នាទីទាបភ្លឺថ្ងៃទី០៣ ខែកុម្ភៈ ឆ្នាំ២០២៦ បង្ការការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះអន្តរាគមន៍បាញ់ទឹកពន្លត់ទាំងកណ្តាលអាធ្រាត្រ។ បើតាមអគ្គស្នងការដ្ឋាននគរបាលជាតិ  មូលហេតុដែលបង្កឱ្យមានអគ្គិភ័យឆាបឆេះ ដោយសារម្ចាស់ផ្ទះដុតសំរាម ធ្វើឱ្យមានការរាលដាលដល់រោងដាក់ឈើ ខណៈករណីនេះ មិនបណ្តាលឱ្យមានមនុស្សរងរបួស និងប៉ះពាល់ដល់អាយុជីវិតនោះទេ។ ចំណែក ម្ចាស់ផ្ទះឈ្មោះ ឆៃ ដាលីន ភេទស្រី អាយុ៤១ មុខរបរកសិកររស់នៅភូមិ/សង្កាត់កើតហេតុខាងលើ។ លោកវរសេនីយ៍ឯក ឃ្លោក សាឡន ស្នងការរងទទួលផែនការងារគ្រប់គ្រងអាវុធគ្រឿងផ្ទុះ និងអគ្គិភ័យ(ស្តីទី) បានដឹកនាំកម្លាំងការិយាល័យបង្ការពន្លត់អគ្គិភ័យ និងសង្គ្រោះ សហការជាមួយកម្លាំងវេនប្រចាំបញ្ជា ចុះជួយបាញ់ទឹកពន្លត់អគ្គិភ័យនេះឱ្យរលត់ទាំងស្រុង១០០ភាគរយ នៅវេលាម៉ោង ០៣និង៤៥នាទី ប្រើប្រាស់ទឹកអស់ចំនួន ៣រថយន្ត៕ ដោយ៖ ង៉ែត ពិសាន្ត