ឧបនាយករដ្ឋមន្ត្រី ប្រាក់ សុខុន ដឹកនាំពិធីអបអរហ្វ្រង់កូហ្វូនី និងលើកឡើងពីការត្រៀមកិច្ចប្រជុំកំពូល២០២៦
ពិធីនាល្ងាចថ្ងៃទី៣១ មីនានៅភ្នំពេញមានអ្នកចូលរួមជាង២០០នាក់ ហើយកម្ពុជាបានលើកឡើងពីការត្រៀមធ្វើម្ចាស់ផ្ទះកិច្ចប្រជុំកំពូលហ្វ្រង់កូហ្វូនីលើកទី២០ នៅចុងឆ្នាំ២០២៦។
ខ្លឹមសារប្រភព
នៅល្ងាចថ្ងៃទី៣១ ខែមីនា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញដឹកនាំពិធីជប់លៀងអបអរទិវាអន្តរជាតិហ្វ្រង់កូហ្វូនី ក្រោមមូលបទ «ជំនាន់ Z ជំនាន់សន្តិភាព? ការចូលរួមរបស់យុវជនក្នុងការកសាងពិភពលោកប្រកបដោយសន្តិភាព» ដែលប្រារព្ធឡើងនៅសណ្ឋាគាររ៉ូសវូដភ្នំពេញ។
ពិធីនេះមានការចូលរួមពីថ្នាក់ដឹកនាំមកពីស្ថាប័ននីតិបញ្ញត្តិ ក្រសួង-ស្ថាប័ននានា នៃរាជរដ្ឋាភិបាល តំណាងអង្គទូតបរទេស និងឯកអគ្គរដ្ឋទូតបារាំង ជាគណៈអធិបតី ព្រមទាំងតំណាងវិស័យសាធារណៈ និងឯកជនក្នុងសហគមន៍ហ្វ្រង់កូហ្វូន ប្រមាណជាង ២០០នាក់។
ការប្រារព្ធនេះ មានគោលបំណងរំលឹកខួបនៃការបង្កើតអង្គការអន្តរជាតិហ្វ្រង់កូហ្វូនី កាលពីថ្ងៃទី២០ ខែមីនា ឆ្នាំ១៩៧០ នៅទីក្រុង Niamey ប្រទេសនីហ្សេ។ ទន្ទឹមនឹងនេះ កម្ពុជាក៏បានប្រកាសពីការត្រៀមលក្ខណៈធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ នៅចុងឆ្នាំ២០២៦ ខាងមុខ ក្រោមមូលបទ «ខិតខំស្តារសន្តិភាពឡើងវិញ ដើម្បីវិបុលភាពរួម និងស្ថិរភាពយូរអង្វែង»។ ដោយ៖ KPS99TV
កំណែប្រភព
{
"publishedSourceRevision": "1",
"publishedWorkingVersionId": "14327",
"languageVersionId": "9049",
"visibilityVersion": "2",
"versionToken": "a1.wmBFyHm3wxnxK8lRbHUEqy6QxxfqPkt6Hiw351NEYgU"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។