សម្តេចហ៊ុន សែនថាពេលនេះអន្តរជាតិមិនជឿថា«កម្ពុជាឈ្លានពានថៃទេ»

ប្រមុខរដ្ឋស្ដីទីកម្ពុជា សម្ដេចតេជោ ហ៊ុន សែន បានថ្លែងថា នៅពេលនេះ អន្តរជាតិគ្មាននររណាជឿថា «កម្ពុជាឈ្លានពានថៃទេ»។ សម្តេចតេជោថា គ្មានអាតូចទៅវាយអាធំដួលនោះទេ ចំណែកកងទ័ពជើងគោកថៃក៏ធ្លាប់ប្រកាសថា ដោយសារកម្ពុជាទៅនៅលើទឹកដីថៃ ៣០ទៅ៤០ឆ្នាំហើយ ទើបថៃប្រើប្រាស់កម្លាំងវាយយកត្រឡប់ទៅវិញ។ ដូច្នេះការផ្ទុះអាវុធកាលពីអំឡុងខែកក្កដា ឆ្នាំ២០២៥ មានតែអ្នកវាយដណ្តើមគេទេដែលផ្ទុះអាវុធមុន។ ក្នុងន័យនេះ សម្តេចបានប្រៀបប្រដូចថា បើសិនជាយើងចង់វាយដណ្តើមនំវិញ យើងជាអ្នកផ្ទុះអាវុធមុនដូច្នេះយើងជាអ្នកខុស។ ម្ល៉ោះហើយ សម្តេចតេជោ ពន្យល់ថា ដំណោះស្រាយតាមរយៈកម្លាំងយោធាមិនមែនជាជម្រើសរបស់កម្ពុជាទេ។ នេះបើតាមការថ្លែងរបស់សម្តេចតេជោ ហ៊ុន សែន ចេញពីខេត្តសៀមរាបក្នុងឱកាសជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានា ជុំវិញខេត្តសៀមរាប-ឧត្តមានជ័យ  នាព្រឹកថ្ងៃទី១០ ខែមិថុនា៕ ដោយ៖ ង៉ែត ពិសាន្ត