អាជ្ញាធរខណ្ឌជ្រោយចង្វារ ចុះត្រួតពិនិត្យទីតាំងស្តុក និងលក់ទំនិញថៃ ៣កន្លែង និងរកឃើញបទល្មើស២ទីតាំង

អាជ្ញាធរខណ្ឌជ្រោយចង្វារ សហការជាមួយស្ថាប័នពាក់ព័ន្ធ និងក្រោមការសម្របសម្រួលនីតិវិធីច្បាប់ពីអយ្យការអមសាលាដំបូងរាជធានីភ្នំពេញ បានចុះត្រួតពិនិត្យទីតាំងស្តុក លក់ និងចែកចាយទំនិញថៃចំនួន ៣ទីតាំង ស្ថិតក្នុងមូលដ្ឋានខណ្ឌជ្រោយចង្វារ។ ជាលទ្ធផល ក្រុមការងារបានរកឃើញទីតាំងចំនួន ២កន្លែង ដែលមានការស្តុក និងលក់ទំនិញថៃ ខណៈទីតាំងមួយកន្លែងទៀត ពុំបានរកឃើញការលក់ ឬរក្សាទុកទំនិញថៃនោះឡើយ។ បច្ចុប្បន្ន ម្ចាស់ទីតាំងពាក់ព័ន្ធត្រូវបានអញ្ជើញទៅបំភ្លឺជាមួយសមត្ថកិច្ច និងអាជ្ញាធរមានសមត្ថកិច្ច ដើម្បីបន្តអនុវត្តនីតិវិធីតាមផ្លូវច្បាប់ជាធរមាន៕ ដោយ៖ ប៉ៃ សុឃីម