កម្ពុជាអំពាវនាវឱ្យមានការវិលត្រឡប់របស់ជនភៀសសឹកដោយសុវត្ថិភាពក្នុងកិច្ចប្រជុំ HRC
កម្ពុជាបានអំពាវនាវនៅក្រុមប្រឹក្សាសិទ្ធិមនុស្សអ.ស.ប. ថ្ងៃទី៨ ខែកក្កដា ឆ្នាំ២០២៦ ឱ្យជនភៀសខ្លួនផ្ទៃក្នុងវិលត្រឡប់ដោយសុវត្ថិភាព ស្ម័គ្រចិត្ត និងថ្លៃថ្នូរ ព្រមទាំងការពារពលករចំណាកស្រុក។ កម្ពុជាក៏បញ្ជាក់បន្តកិច្ចសហការជាមួយយន្តការសិទ្ធិមនុស្សអ.ស.ប.។
ខ្លឹមសារប្រភព
នៅសម័យប្រជុំលើកទី៦២ នៃក្រុមប្រឹក្សាសិទ្ធិមនុស្សអង្គការសហប្រជាជាតិ (HRC) នៅទីក្រុងហ្សីណែវ ប្រទេសស្វ៊ីស កាលពីថ្ងៃទី០៨ ខែកក្កដា ឆ្នាំ២០២៦ កម្ពុជាបានលើកយកការវិវឌ្ឍថ្មីៗលើបញ្ហាសិទ្ធិមនុស្ស តាមបណ្តោយព្រំដែនកម្ពុជា-ថៃមកពិភាក្សា។ នៅក្នុងបទអន្តរាគមន៍ ក្រោមរបៀបវារៈទី២ និងទី៣ កម្ពុជា បានអំពាវនាវឱ្យមានការវិលត្រឡប់ដោយសុវត្ថិភាព ស្ម័គ្រចិត្ត និងថ្លៃថ្នូររបស់ជនភៀសខ្លួនផ្ទៃក្នុង។
ទន្ទឹមនឹងនេះ កម្ពុជា ក៏បានអំពាវនាវឱ្យមានកិច្ចការពារពលករចំណាកស្រុកពីការរើសអើង និងអំពើហិង្សា និងការគោរពច្បាប់មនុស្សធម៌ និងច្បាប់សិទ្ធិមនុស្សអន្តរជាតិឱ្យបានពេញលេញ។ នេះបើតាមសេចក្តីប្រកាសព័ត៌មានរបស់ស្ថានបេសកកម្មអចិន្រ្តៃយ៍កម្ពុជាប្រចាំអង្គការសហប្រជាជាតិ និងអង្គការអន្តរជាតិនានា នៅទីក្រុងហ្សឺណែវ។
ជាមួយគ្នានេះ កម្ពុជា ក៏បានបញ្ជាក់សារជាថ្មីនូវការប្តេជ្ញាចិត្តរបស់ខ្លួនចំពោះការចូលរួមប្រកបដោយស្ថាបនាជាមួយយន្តការសិទ្ធិមនុស្សរបស់អង្គការសហប្រជាជាតិ រួមទាំងការបន្តកិច្ចសហប្រតិបត្តិការជាមួយការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស និងកិច្ចសហការជាមួយអ្នករាយការណ៍ពិសេស ស្តីពីស្ថានភាពសិទ្ធិមនុស្សនៅកម្ពុជា។
សូមជម្រាបថា គិតត្រឹមថ្ងៃទី០៨ ខែកក្កដា ឆ្នាំ២០២៦ ជនភៀសសឹកកម្ពុជាជាង ២ម៉ឺននាក់ ក្នុងនោះស្រ្តីមាន ១០,៦៧៤នាក់ និងកុមារ ៦,០៦៦នាក់ទៀត នៅពុំទាន់អាចវិលទៅលំឋានបានវិញនៅឡើយ ដោយសារមានការរារាំងដោយយោធាថៃដែលចូលកាន់កាប់ និងបំផ្លិចបំផ្លាញភូមិឋាន និងផ្ទះសំបែងរបស់ពួកគេដោយខុសច្បាប់ ក្រោយបទឈប់បាញ់ចូលជាធរមាន៕
ដោយ៖ ង៉ែត ពិសាន្ត
កំណែប្រភព
{
"publishedSourceRevision": "1",
"publishedWorkingVersionId": "12940",
"languageVersionId": "5865",
"visibilityVersion": "2",
"versionToken": "a1.NBhAhQ1AveHf3sxm1yxK3Hw6kKqYrnU_JKaTmkEUi2c"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។