ឯកឧត្តមបណ្ឌិត Thongloun Sisoulith ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ និងលោកជំទាវ បានអញ្ជើញមកដល់អាកាសយានដ្ឋានអន្តរជាតិតេជោ រាជធានីភ្នំពេញ ប្រកបដោយសុវត្ថិភាព ដើម្បីចូលរួមកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះនៅថ្ងៃទី១៤ ខែវិច្ឆិកា ឆ្នាំ២០២៦ ។
ការអញ្ជើញមកដល់របស់ថ្នាក់ដឹកនាំឡាវនៅពេលនេះ បានបន្ថែមនូវសារៈសំខាន់ដល់ព្រឹត្តិការណ៍ការទូតអន្តរជាតិដ៏ធំមួយ ដែលប្រមូលផ្តុំថ្នាក់ដឹកនាំ និងតំណាងប្រទេសនានា ដើម្បីពិភាក្សាអំពីកិច្ចសហប្រតិបត្តិការ និងការអភិវឌ្ឍរួម។
វត្តមានរបស់ឯកឧត្តមប្រធានរដ្ឋឡាវ និងលោកជំទាវ គឺជាឱកាសដ៏មានអត្ថន័យក្នុងការបន្តពង្រឹងចំណងមិត្តភាព និងទំនាក់ទំនងការទូតដ៏ល្អរវាងកម្ពុជា និងឡាវ ព្រមទាំងពង្រីកកិច្ចសហប្រតិបត្តិការលើវិស័យដែលផ្តល់ផលប្រយោជន៍ទៅវិញទៅមក។ ជាមួយគ្នានេះ កិច្ចប្រជុំកំពូលក៏ជាវេទិកាសម្រាប់ការផ្លាស់ប្តូរទស្សនៈ បទពិសោធន៍ និងការកសាងភាពជាដៃគូរវាងប្រទេសនានា ដោយផ្អែកលើគោលការណ៍នៃការគោរពគ្នាទៅវិញទៅមក និងការសន្ទនាប្រកបដោយស្ថាបនា។
លើសពីនេះ ការចូលរួមរបស់ថ្នាក់ដឹកនាំឡាវបានបង្ហាញពីសារៈសំខាន់នៃសាមគ្គីភាព និងកិច្ចសហប្រតិបត្តិការពហុភាគី ក្នុងការរួមចំណែកដោះស្រាយបញ្ហាប្រឈមសកល៕ ដោយ៖ សុភ័ក្រ្ត






