យោងតាមសេចក្ដីជូនដំណឹងផ្លូវការរបស់ថៃ ដែលត្រូវបានរាយការណ៍នៅថ្ងៃទី២០ ខែធ្នូ ជនជាតិចិនដែលពាក់ព័ន្ធការឆបោកអនឡាញ ហើយថ្មីៗនេះបានរត់ពីតំបន់ម្យ៉ាវ៉ាឌីនៃមីយ៉ាន់ម៉ាចូលថៃ និងត្រូវឃុំក្នុងមណ្ឌលឃុំខ្លួនអន្តោប្រវេសន៍ ត្រូវបានបន្តបញ្ជូនទៅចិន។ នៅថ្ងៃទី១៩ ខែធ្នូ មានជនជាតិចិន២៤៥នាក់ទៀតត្រូវបញ្ជូនត្រឡប់ដោយសុវត្ថិភាពតាមយន្តហោះ។
មុននេះ ថៃបានបញ្ជូនជនជាតិចិនពាក់ព័ន្ធឆបោកអនឡាញ១០០នាក់ ៣០០នាក់ និង៣០០នាក់ នៅថ្ងៃទី១៦ ទី១៧ និងទី១៨ ខែធ្នូរៀងគ្នា។ ដូច្នេះ ចំនួនដែលបានបញ្ជូនត្រឡប់ថ្មីៗនេះសរុបដល់៩៤៥នាក់។
អាជ្ញាធរថៃបានបញ្ជាក់ថា នេះជាផ្នែកមួយនៃការពង្រឹងកិច្ចសហប្រតិបត្តិការឆ្លងដែនរវាងចិននិងថៃក្នុងការប្រឆាំងការឆបោកអនឡាញ ដើម្បីចាត់ការអ្នកប្រព្រឹត្តខុសតាមច្បាប់ និងការពារប្រជាជននិងសុវត្ថិភាពសង្គមនៃប្រទេសទាំងពីរ។
រាយការណ៍សរុបដោយស្ថានីយយើង
