លោក ត្រាំ លើកឡើងពីការប្រយុទ្ធកម្ពុជា-ថៃជាថ្មី និងការប្រឹងបញ្ចប់ជម្លោះ

ប្រធានាធិបតីអាម៉េរិក ដូណាល់ ត្រាំ នៅថ្ងៃទី២២ ខែធ្នូ បានលើកឡើងពីការប្រយុទ្ធជាថ្មីរវាងថៃនិងកម្ពុជា និងកិច្ចខិតខំដើម្បីបញ្ចប់ជម្លោះ។ លោកបានថ្លែងក្នុងពិធីប្រកាសផលិតនាវាចម្បាំងខ្នាតយក្សថ្មី ជាមួយរដ្ឋមន្ត្រីក្រសួងសង្គ្រាម និងរដ្ឋមន្ត្រីកងទ័ពជើងទឹក។

ឆ្លើយសំណួរអ្នកសារព័ត៌មាន លោក ត្រាំ បានលើកឡើងពីការធ្វើការជាមួយរដ្ឋមន្ត្រីការបរទេស Marco Rubio ដើម្បីបញ្ចប់ជម្លោះកម្ពុជា-ថៃ។ លោកបានអះអាងថា បានបញ្ចប់សង្គ្រាម៨រួចមកហើយ និងនិយាយអំពីការរំពឹងកម្រិតលំបាកនៃការដោះស្រាយជម្លោះ។

យ៉ាងណាក៏ដោយ តើអាម៉េរិកពិតជាអាចបញ្ឈប់សកម្មភាពឈ្លានពានរបស់យោថៃមកលើកម្ពុជាបានទេ! ស្របពេលមហាយក្សចិនបង្ហាញការគាំទ្រយ៉ាងពេញទំហឹងដល់កិច្ចខិតខំប្រឹងប្រែងរបស់អាស៊ានដើម្បីធានាសន្តិភាពរវាងកម្ពុជា និងថៃ ប៉ុន្តែម្សិលម៉ិញនេះ អាស៊ានបានបរាជ័យរួចទៅហើយក្នុងការបញ្ឈប់ការប្រយុទ្ធគ្នារវាងកម្ពុជា-ថៃ៕

ដោយ៖ ចិន្តា ទីទិ

..