នៅយប់ថ្ងៃទី២៣ ខែធ្នូ ឆ្នាំ២០២៥ ប្រជាពលរដ្ឋកម្ពុជា និងភ្ញៀវបរទេស ដែលកំពុងស្នាក់នៅខេត្តសៀមរាប បានប្រមូលផ្តុំគ្នាអុជភ្លើងទៀន ដើម្បីសម្តែងអារម្មណ៍សោកសៅ និងការព្រួយបារម្ភចំពោះសោកនាដកម្មនៃសង្គ្រាម ដែលបណ្តាលមកពីការឈ្លានពានដោយកងយោធាថៃ លើអធិបតេយ្យភាពនៃប្រទេសកម្ពុជា។
សកម្មភាពអុជភ្លើងទៀននេះ ក៏មានគោលបំណងអំពាវនាវឱ្យមានសុខសន្តិភាពពេញលេញ សម្រាប់ប្រជាជនកម្ពុជា និងជាសារបញ្ជូនទៅកាន់សហគមន៍អន្តរជាតិថា ប្រជាពលរដ្ឋកម្ពុជា ចង់ឃើញសង្គ្រាមឆាប់បញ្ចប់ និងសន្តិភាពត្រឡប់មកវិញឱ្យបានឆាប់រហ័ស។
ដោយ៖ ប៉ៃ សុឃីម
