ថ្មីៗនេះ រដ្ឋាភិបាលមីយ៉ាន់ម៉ាបន្តប្រតិបត្តិការបង្ក្រាបការឆបោកតាមទូរគមនាគមន៍ និងអនឡាញ ព្រមទាំងល្បែងស៊ីសងអនឡាញ នៅតំបន់ Myawaddy ដោយផ្តោតលើ Shwe Kokko និង KK Park។ ក្រុមអនុវត្តច្បាប់ចម្រុះដែលមានកម្លាំងសន្តិសុខ និងអាជ្ញាធររដ្ឋបាលមូលដ្ឋាន បានចុះត្រួតពិនិត្យ បិទទីតាំងខុសច្បាប់តាមច្បាប់ និងរុះរើអគារពាក់ព័ន្ធ។
ចាប់តាំងពីខែធ្នូ ប្រតិបត្តិការនៅ KK Park បានរកឃើញអគារខុសច្បាប់៦៣៥ខ្នង ហើយបានរុះរើរួច៤៨៥ខ្នង។ ថ្មីៗនេះ ក្រុមការងារបានរុះរើអគារខុសច្បាប់កម្ពស់៤ជាន់ចំនួន៣ខ្នង នៅតំបន់ទី៣ ដើម្បីកាត់បន្ថយទីតាំងសកម្មភាពឆបោក និងល្បែងស៊ីសង។
ទន្ទឹមនេះ មន្ត្រីអនុវត្តច្បាប់ទើបបានរកឃើញអគារចំនួន១២ខ្នង សង្ស័យពាក់ព័ន្ធល្បែងស៊ីសងអនឡាញ ក្នុងនោះ៤ខ្នងត្រូវបានបិទតាមច្បាប់។ ដើម្បីបញ្ចៀសសម្ភារៈពីអគាររុះរើត្រូវបានប្រើម្តងទៀតក្នុងសកម្មភាពខុសច្បាប់ សម្ភារៈពាក់ព័ន្ធត្រូវបានប្រមូលដុតបំផ្លាញ។ ប្រតិបត្តិការបង្ក្រាបនៅតែបន្ត។
រាយការណ៍សរុបដោយស្ថានីយនេះ
